Pedagogika 015, 4-son Muassis: Nizomiy

FAN VA TA’LIM FIDOYILARI 

---

PEDAGOGIKA
2015, 4-son
 
 
120 
Ustozdagi tashkilotchilik qobiliyati hamda ilmiy-tadqiqot ishlarini 
rejalashtira olish malakasini sezgan institut rahbariyati unga 1985-yilda ilmiy 
ishlar bo‘yicha prorektor lavozimini taklif etdi. Minavvar Xo‘jayevna bu 
lavozimda 17 yil samarali faoliyat ko‘rsatdi. 
Minavvar Xo‘jayevna bu lavozimda ishlab turib, Jahon tillari universiteti 
qoshidagi ixtisoslashgan ilmiy kengashga 10 yil davomida raislik qildi. 
Keyinchalik Nizomiy nomidagi TDPU qoshidagi “Pedagogika nazariyasi va 
tarixi” ixtisosligi bo‘yicha birlashgan ixtisoslashgan kengashga raislik qildi.
Minavvar Xo‘jayevnaning ilmiy rahbarligida bitta doktorlik va yigirmaga yaqin 
nomzodlik dissertatsiyalari himoya qilindi. U prorektorlik faoliyati davrida 
100dan ortiq ilmiy xodimlarga doktorlik va nomzodlik dissertatsiyalarini 
yakunlash va himoya qilishga sharoit yaratib berdi.
Minavvar Xo‘jayevna 2000-yilda “Pedagogik ta’lim” (hozirgi 
“Pedagogika”) ilmiy-nazariy va metodik jurnalining ta’sis etilishida 
tashkilotchilik qildi va bu jurnalda bosh muharrir o‘rinbosari lavozimida ko‘p 
yillar ishladi.
Minavvar Xo‘jayevna mehnat faoliyatining mazmunida metodika ilmi 
ustuvordir. Uning 180dan ortiq ilmiy ishlari ichida 2ta monografiya, rus tilida 
o‘qitiladigan maktablarning 1-4-sinflari uchun “Rus tili” darsliklari bor. Uning 
darsliklarida o‘quv ma’lumotlari aniq, ravon, o‘quvchilar uchun qulay, qiziqarli 
va ta’sirchan bayon etilgan. Zamon ruhi, turmush tarzimiz yorqin ifodalangan bu 
darsliklar bolalar tafakkurini rivojlantiruvchi, mustaqil ta’lim olishga yo‘llovchi 
yangi tizimlar mavjudligi bilan ajralib turadi. Fanlararo bog‘lanish, nazariy 
bilimlar bilan amaliyotning uyg‘unligi, sifatli bezaklari, ixcham va qulay 
tuzilganligi bilan ham ushbu darsliklar haqli ravishda g‘oliblikka da’vogar edi. 
Ulardan respublika miqyosida o‘tkazilgan tanlovlarda 2005-yilda 1-sinf uchun 
“Bukvar” darsligi II o‘rinni, 2008-yilda 1-4-sinflar uchun “Rus tili” darsliklari III 
o‘rinni egallagan. 
M. X. To‘xtaxo‘jayevaning mehnatlari davlatimiz tomonidan munosib 
taqdirlangan: u “Shuhrat” medali (1999), “O‘zbekistonda xizmat ko‘rsatgan 
madaniyat xodimi” unvoni (1980), “Mehnat faxriysi” nishoni (1990), “Oliy va 
o‘rta maxsus ta’lim fidoyisi” nishoni (1991), “Xalq ta’limi a’lochisi” nishoniga 
(1998) sazavor bo‘lgan hamda bir necha faxriy yorliqlar bilan taqdirlangan. 
Minavvar Xo‘jayevna hozir ham jo‘shqin mehnat og‘ushida, ilmiy ijod qilishda 
davom etmoqda, yoshlarga ziyo yo‘lida rahnamolik qilmoqda.