Pedagogika 015, 2-son Muassis: Nizomiy

PEDAGOGIKA
2015, 2-son
 
 
134 
halqum yo‘lidagi murtak bezning surunkali kattalashuvini, ya’ni adenoidni 
AQSHda ishlab chikarilgan “Chikago” asbobi yordamida olib tashlaydi(shu 
kungacha 200dan ziyod shunday operatsiyalar qilgan). Hurmatli olimimiz 
nafaqat jarrohlik, balki tig‘ tekizmasdan LOR a’zolarining allergik holatlarini, 
gaymorit, frontit, quloqdagi shovqinlarni tuzatib, eshitishini yaxshilaydi. U shu 
kungacha xalqimizning hurmatini qozongan ko‘plab san’atkorlarning ovoz 
boylamlarini sozlab, yana ham xushovoz bo‘lishiga yordam bergan. “Loradon” 
ultratovush asbobi yordamida xurrakni davolaydi va bolalarni gijja kasalligidan 
xalos etadi.
Rajabboy Masharipov tomonidan shu kungacha 84 ta ilmiy, ilmiy-uslubiy, 
o‘quv-metodik va ilmiy-ommabop ishlar chop etildi. Shu jumladan, olimning
2 ta o‘quv va 14 ta uslubiy qo‘llanmalari, 58 ta ilmiy va ilmiy-ommabop 
maqolalari nashr etilgan. Shulardan 2 ta o‘quv-metodik qo‘llanma va 12 ta ilmiy 
maqolasi chet davlatlar va OAK jurnallarida chop etilgan.
Rajabboy Rahimovichning xizmatlari hukumatimiz tomonidan ham 
munosib taqdirlangan desak xato bo‘lmaydi. Yosh olimga 2011-yil 24-noyabrda 
Oliy attestatsiya komissiyasi tomonidan dotsent, 2014-yil 20-noyabrda 
universitet professori ilmiy unvonlari berilgan, shuningdek, “O‘zbekiston 
Respublikasi 10 yilligi munosabati bilan” ko‘krak nishoni, Sog‘liqni saqlash 
vazirligi va Toshkent shahar Kasaba uyushmasi birlashmasi rayosatining “Faxriy 
yorliq”lari hamda Toshkent shahar “Kamolot” yoshlar ijtimoiy harakatining 
“Sog‘lom bola” yilida qilgan xizmatlari uchun alohida “Tashakkurnoma” bilan
taqdirlangan.
Hozirgi kunda professor Rajabboy Rahimovich qutlug‘ 60 yoshini 
nishonlash bilan bir vaqtda, ayni kuch-quvvatga to‘lgan davrda. Shu bois, 
yoshlarga bilim berish, xalqimizning sog‘lig‘ini saqlash va yurtimiz ravnaqiga 
xizmat qilishdan charchamaydi. U kishi nafaqat ajoyib shogirdlar tayyorlayotgan 
olim va pedagog, balki el tanigan shifokor, ajoyib inson, yaxshi do‘st, har doim 
turmush o‘rtog‘i, bolalari va nevaralari e’zozidagi sevimli oila boshlig‘i hamdir. 
Mustaqil O‘zbekistonimizning yanada gullab-yashnashiga xizmat qilishdan 
charchamaydigan fidoyi inson, el ardoqlagan shifokor, yuksak tashkilotchi-
rahbar, ajoyib pedagog-olim, ustoz Rajabboy Rahimovich Masharipovni qutlug‘ 
60 yoshi bilan qutlaymiz. Mustahkam sog‘liq, uzoq umr, oilaviy baxt, 
kelajakdagi ishlariga muvaffaqiyatlar tilaymiz.