Pedagogika 015, 2-son Muassis: Nizomiy

PEDAGOGIKA
2015, 2-son
 
 
133 
U 1990-1994-yillarda Xorazm viloyati markaziy shifoxonasi LOR 
bo‘limining mudiri, 1994-yildan 1996-yilga qadar Pitnak shahar markaziy 
shifoxonasining bosh shifokori, 1996-1998-yillarda Hazorasp tumani markaziy 
shifoxonasining bosh shifokori lavozimlarida ishladi. 1998-1999-yillarda
Xorazm viloyat sog‘liqni saqlash boshqarmasining boshlig‘i va LOR bo‘yicha 
bosh mutaxasis, 1999 yildan 2003 yilga qadar Hazorasp tuman markaziy 
shifoxonasi bosh shifokori, 2003-2009-yillarda esa Toshkent shahar sog‘liqni 
saqlash boshqarmasining uslubiy-metodik bo‘lim mudiri lavozimlarida ishladi. 
2005-yildan boshlab Toshkent davlat pedagogika universitetida o‘rindosh 
professor vazifasini bajaruvchi va 2010-yildan hozirgi kungacha “Hayot faoliyati 
xavfsizligi va tibbiy tayyorgarlik” kafedrasining mudiri lavozimida ishlab 
kelmoqda.
Rajabboy Masharipov ish faoliyatida o‘zining ishchanligi, ilmiy 
izlanuvchanligi, mehnatsevarligi, o‘z kasbini sevishi va jamoat ishlarida faol 
ishtirok etishi, berilgan topshiriqlarni o‘z vaqtida bajarishi, kamtarligi va rahbar 
sifatida talabchanligi bilan ajralib turadi. 
Rajabboy Masharipov universitetning barcha fakultet bakalavriat 
yo‘nalishi talabalariga o‘zbek va rus tillarida, yangi zamonaviy pedagogik va 
innovatsion texnologiyalar yordamida ma’ruzalar o‘qimoqda. U 2010-yilda 
Rossiya Xalqlar do‘stligi universitetida malaka oshirib, TDPU bilan hamkorlik 
shartnomasini tuzib qaytdi. Respublikmizdagi FVVga qarashli “Fuqaro 
muhofazasi” instituti va “Mehr-shafqat” kasb-hunar kolleji bilan hamkorlik 
shartnomalarini tuzib, talabalarga XFX haqida, giyohvandlik, spirtli ichimliklar 
ichish, tamaki chekish, OITSga qarshi kurashish, uning oldini olish bo‘yicha 
ma’ruzalar o‘qishni tashkillashtirdi.
Rajabboy Masharipov nafaqat pedagog sifatida, balki talabalarning 
jonkuyar tarbiyachisi, shifokori sifatida ham tanilgan inson. Olim universitet 
talabalari amaliy faoliyatini o‘taydigan “Xumson” dala amaliyoti oromgohida 
shifokorlik qilib, ularni sog‘lomlashtirib kelmoqda. Har oyda ikkinchi son 
talabalar turar joyida muntazam ravishda ikki marta “O‘ta havfli kasalliklar va 
ularning oldini olish yo‘llari” mavzusida, sog‘lom turmush tarzini targ‘ib qilish 
borasida respublikamizning tibbiyot markazlaridan mutaxassislar chaqirib, davra 
suhbatlari va savol-javob kechalari o‘tkazib kelmoqda.
Rajabboy Rahimovich 2003-2009-yillarda “Karima” va 2009-2014-yillarda 
“Stoma LOR servis” xususiy klinikalarida shifokor bo‘lib ishlab, bu davrda 
250dan ziyod jarrohlik amaliyotini amalga oshirgan, bolalarda kattalashib ketgan 
murtak bezlarini, burunning yondosh sinus bo‘shliqlaridagi polip va kistalarni, 
vazamotor-allergik holatlarni “Loradon” apparati yordamida davolab, burun, 

---