Pedagogika 015, 2-son Muassis: Nizomiy

FAN VA TA’LIM FIDOYILARI 

---

PEDAGOGIKA
2015, 2-son
 
 
129 
pedagogika fanlari ilmiy-tadqiqot institutida “Ma’naviyat” bo‘limini boshqaradi. 
Sanobar Nishonovaning ilmiy-pedagogik yo‘nalishi bevosita barkamol 
inson shaxsini shakllantirish, uning ma’naviy kamol topishi bilan bog‘liqdir. 
Shuning uchun ham u dastlab buyuk allomalarimizning insonni ma’naviy 
barkamol etib shakllantirishga doir ulkan merosidan namunalar to‘playdi va uni 
“Ma’naviyat darslari” nomi bilan chop etadi. 
Respublikamiz Prezidenti Islom Karimovning jamiyat ma’naviyatini 
rivojlatirishga qaratilgan sa’y-harakatlari, nutq va risolalaridagi g‘oyalar Sanobar 
Nishonovani yana-da ruhlantirib yuboradi. Professor Komiljon Hoshimov bilan 
hamkorlikda “Pedagogika tarixi” o‘quv qo‘llanmasini yaratish tashabbus-
korlaridan bo‘ladi. Bu milliy pedagogikamizga asoslangan dastlabki o‘quv 
qo‘llanma, darslik edi. So‘ng ma’naviy tarbiyaga oid qator maqolalar, dasturlar 
chop eta boshlaydi. Uning barkamol shaxs tarbiyasiga oid maqolalari MDH 
davlatlari jurnallarida ham chop etiladi.
Sanobar Nishonovaning barkamol shaxs tarbiyasiga oid ilmiy tadqiqot 
ishlari o‘z samarasini beradi. 1998-yilda “Sharq Uyg‘onish davri pedagogik fikr 
taraqqiyotida barkamol inson tarbiyasi” mavzusida doktorlik dissertatsiyasini 
himoya qiladi.
Sanobar Nishonova 200ga yaqin ilmiy, ilmiy-uslubiy, ilmiy-ommabop 
maqolalar, o‘quv qo‘llanmalari va majmualar e’lon qilgan. Jumladan, 
“Pedagogika tarixi” o‘quv qo‘llanmasi (hammualliflikda), “Ma’naviyat darslari” 
majmuasi, “Ta’lim samaradorligini oshirish vositalari” uslubiy qo‘llanmasi, 
“Kabutar” hikoyalar to‘plami, “Murg‘ak qalb jarohatlari” qissasi, “Hayot 
saboqlari” ricolasi, “Pedagogik hikoyalar” turkum hikoyalari jamoatchilik 
tomonidan yuqori baholandi. 
Sanobar Nishonovaning keyingi yillarda ma’naviyat sohasida olib borgan 
ilmiy izlanishlari asosida 2001-yildan boshlab, 7-sinf uchun “Milliy istiqlol 
g‘oyasi va ma’naviyat asoslari” o‘quv qo‘llanmasi, 8-sinf uchun ham shu fandan 
o‘quv qo‘llanmasi (O. Musurmonova va M. Qarshiboyevlar bilan 
hammualliflikda) chop etildi va hozirgi kunda maktablarda o‘qitilmoqda. 
Shuningdek, “Ezgulikka yo‘l” risolasi (2003), “Komil inson tarbiyasi” 
monografiyasi (2003), “Pedagogika tarixi” (1996, 2005) (K. Hoshimov bilan 
hammualliflikda), “Pedagogika nazariyasi” (2008, 2010) (hammualliflikda) 
darsliklari, “Yoshlar tarbiyasining ma’naviy ildizlari” monografiyasi va 
“Onatosh”, “Ortda qolgan yo‘l” qissalarini yaratdi. 
Sanobar Nishonova ilmiy-pedagogik kadrlar tayyorlashga ham katta hissa 
qo‘shib kelmoqda. U nomzodlik va doktorlik dissertatsiyalariga ilmiy rahbar 
sifatida faoliyat olib bordi. 

---