Pedagogik texnologiya nazariyasining mohiyati va ustuvor tamoyillari

PEDAGOGIK TEXNOLOGIYA NAZARIYASINING MOHIYATI VA USTUVOR TAMOYILLARI


REJA:

1. 
   Pedagogik texnologiyalar haqida tushinch
   
2. 
   Pedagogik texnologiyalarning vujudga kelish va mustaqil fan sifatida shakllanish tarixi.
   
3. 
   Pedagogik texnologiyaga berilgan ta’riflar.
   
4. 
   Pedagogik texnologiya nazariyasi va amaliyotda qo’llanishining asosiy qonunlari va prinsiplari.
   

Tayanch ibora va atamalar: o‘qitish metodi, ta’limni texnologiyalashtirish,
pedagogik texnologiya, texnologik jarayon, texnologik operatsiya, texnologik xarita, texnologik rejim, pedagogik jarayon, optimallashtirish, pedagogik tizim, ta’lim texnologiyasi, ta’lim jarayoni tizimi, o‘qitish texnologiyasi.


1. Pedagogik texnologiyalarning vujudga kelish va shakllanish tarixi
Pedagogik texnologiya (PT) tushunchasi keng ko‘lamli, serqirra tushuncha bo‘lib, u ta’lim-tarbiya amaliyotini rivojlantirish ehtiyojlari asosida kelib chiqqan va hozirda pedagogika, psixologiya fanlarida o‘z o‘rniga ega.
Ta’lim-tarbiya faoliyatining mazmuni, maqsad va vazifalari davrlar o‘tishi bilan kengayib borishi natijasida uning shakl va usullari ham takomillashib bormoqda. Hozirda inson faoliyatining asosiy yo‘nalishlari shu faoliyatdan ko‘zda tutilgan maqsadlarni to‘liq amalga oshirish imkoniyatini beruvchi yaxlit tizimga, ya’ni texnologiyaga aylanib bormoqda. Shu asosda ta’lim-tarbiya sohasida so‘nggi davrda pedagogik texnologiya amal qila boshladi.
Ishlab chiqarishdagi texnologiyada turli materiallarga ishlov berish tegishli kasb ustalari tomonidan amalga oshiriladi. Pedagogik texnologiyada esa ishlov beriladigan material ta’lim oluvchining aqliy, ruhiy, axloqiy sifatlari bo‘lib, ularga ta’lim beruvchi tomonidan ma’lum maqsadlarga erishish yo‘lida turli ta’sirlar o‘tkaziladi.
Pedagogik texnologiya tushunchasi XX asrda paydo bo‘lib, quyidagi rivojlanish bosqichlaridan o‘tib kelmoqda.