Педагогик институтлари учун дарслик

Таъминлаш манбаи. Бу компьютер автоном ва тармоқли энерготаъминоти тизимларини таъминловчи блокдир.
Таймер. Бу зарур бўлганда жорий вақтни (йил, ой, соатлар, минутлар, секундлар ва секундларнинг улушлари) автоматик белгилаб беришни таъминловчи ички машина-электрон соат. Таймер автоном таъминлаш манбаи — аккумуляторга уланади ва машина тармоқдан ўчирилганда ҳам ишлашда давом этади.
Ташқи мослама(ТМ). Бу исталган ҳисоблаш комплексининг энг муҳим таркибий қисмидир. Шуни айтиш кифояки, ТМ баъзан қийматига кўра бутун ШК қийматининг 50—80 фоизини ташкил этади. ТМ таркиби ва хусусиятлари бўйича ШКнинг бошқарув тизимлари ва умуман халқ хўжалигида қўллаш имконияти ва самарадорлигига кўп жиҳатдан боғлиқ бўлади.
Видеомонитор (дисплей) — компьютерга киритиладиган ва ундан чиқадиган ахборотни акс эттирувчи мосламадир.
Нутқли кириш-чиқиш мосламаси мультимедианинг тез ривожланувчи воситаларига оид. Нутқли кириш мосламаси — турли микрофонли акустик тизимлар, "товушли сичқонлар", масалан, инсон ифодалаётган ҳарф ва сўзларни таниб билиш, уларни идентификациялаш ва кодлаштиришга имкон берувчи мураккаб дастурий таъминотдир.
Ахборотни киритиш ва чиқариш мосламаларига қуйидагилар киради:

• 
  клавиатура — сон билан кўрсатиладиган, матнли ва бошқарилувчи ахборотни компьютерга қўл ёрдамида киритиш учун мўлжалланган мослама;
  
• 
  график планшетлар (диджитайзерлар) — махсус кўрсаткични (перо) планшет юргазиш йўли билан график ахборот тасвирларини қўл ёрдамида киритиш учун мўлжалланган мослама; пероларни юргизишда автоматик тарзда унинг жойлашуви координатларини ҳисоблаш ва бу координатларни компьютерга киритиш бажарилади;
  
• 
  сканерлар (ўқийдиган автоматлар) — қоғозли ташувчилардан автоматик ҳисоблаш ва компьютерга машинада ёзилган матнлар, графиклар, расмлар, чизмаларни киритиш учун мўлжалланган; сканерни кодлаштириш мосламасида матнли режимда эталонли контурларни махсус дастурлар билан қиёслагандан кейинги саноқли символлар ASCII кодларига айланади, график режимда эса саноқли графиклар ва чизмалар изчил тартибда икки ўлчамли ко-ординатларга айланади;
  
•