Педагогик институтлари учун дарслик

Ососий тушунчалар:
ар бир бобнинг асосий тушунчалари.

Ҳ ар бир боб учун мулжалланган текширув саволлари.

«Информатика ўқитиш методикаси» фанининг
дастури
Информатика ўқитиш методикаси педагогиканинг информатика фанини умумтаълим мактаблари, академик лицей ва касб-ҳунар коллежларида информатика ва ахборот технология фанларини ўқитиш қонуниятларини тадқиқ қилувчи бўлими ҳисобланади. Информатика фанини ўқитиш қўйидаги мақсадни кўзда тутади:

• 
  бўлажак ўқитувчиларни информатика фанини ижодий ўқитиш ва ўзларининг амалий фаолиятларида янги педагогик ва ахборот технологияларини қўллаш бўйича билим, кўникма ва малакалари билан қуроллантириш;
  
• 
  бўлажак ўқитувчиларни информатика соҳаси бўйича турли-туман шаклдаги синф ва синфдан ташқари ишларни ташкил этиш ва ўтказишга тайёрлаш;
  
• 
  бўлажак ўқитувчиларни таълим соҳасини ахборотлаштиришнинг йўллари ва улкан истиқболлари ҳақида тасаввурларини ривожлаштириш ва ҳамда чуқурлаштириш.
  

Бўлажак информатика ўқитувчиси ўсиб келаетган авлоднинг умумтаълим мактаблари, академик лицей ва касб-ҳунар коллежларида ўқитиладиган информатика ва ахборот технологиялари фанларининг аҳамиятини, унинг мазмунини ажратиш тамойилларини, шунингдек, информатика фанининг бошқа фанлар билан алоқадорлигини тушуниши зарур.
Талабалар билимига қўйиладиган талаблар
«Информатика ўіитиш методикаси» бўйича талабалар қуйидаги билимлар билан қуроллланган бўлиши зарур:

• 
  информатика ва ахборот технологиялари ҳақида тушунчалар;
  
• 
  информатика ва ахборот технологияларининг ҳар бир инсон ҳаётидаги ва жамиятнинг ривожидаги роли;
  
• 
  информатиканинг техник ва дастурий воситаларининг моҳияти ва дидактик имкониятлари;
  
• 
  ахборот тизимлари ва технологияларини ўқиш-тарбия жараёнида нима мақсадда ва қандай қўллаш мумкинлиги;
  
• 
  янги педагогик ва ахборот технологиялари ва уларнинг ўқув-тарбия жараёнида қўллаш.
  

Бўлажак информатика ўқитувчиси янги ахборот технологиясини, замонавий педагогик дастурий воситаларни чуқур ўрганган, шунунгдек, таълимни ахборотлаштирилаётган шароитида ишлаш услубларини эгаллаган бўлиши лозим.