Педагогик институтлари учун дарслик

«Информатика ўқитиш методикаси»

предмети

Информатикани ўқитиш учун информатика ўқитувчиси аввало информатика фанини, унинг усулларини ва ривожланиш тарихини чуқур эгаллаган бўлиши лозим.

Информатика ўқитиш методикаси бу информатикани ўқув предмети сифатида ва турли ёшдаги ўқувчиларга информатикани ўргатиш жараёнининг қонуниятларини ўрганадиган фандир.

Информатика ўқитиш методикаси фан сифатида ХХ асрнинг иккинчи ярмида, Ўзбекистонда эса 1985 йилдан бошлаб шаклланди. Бунга асосий омил бўлиб умумўрта мактабларга «Информатика ва ҳисоблаш техникаси асослари» фанининг киритилиши бўлди.

Информатика ўқитиш методикаси бўйича илмий изланишлар биринчилар қаторида, профессорлар М.Зиёхўжаев, А.Абдуқодиров, доцент Т.Азларов ва бошқалар томонидан олиб борилди ва бу соҳада муайян ютуқларга ҳам эришилди.
Ўзбекистон Республикаси таълим тизимига янги бўғин, ўрта-махсус ва касб - ҳунар таълимининг киритилиши билан, ушбу бўғин информатика ўқитувчилари учун информатика ўқитиш методикасини яратиш долзарб муаммолардан бири бўлиб қолди.

Асосий ғоялар		Олимларнинг Ф.И.Ш.
		Ч.Бэббидж
		Ада Лавлейс
ЭҲМнинг биринчи авлоди
ЭҲМнинг иккинчи авлоди
ЭҲМнинг учинчи авлоди
ЭҲМнинг тўртинчи авлоди
	1985 г.
Информатика ва ҳисоблаш техникаси асослари фани бўйича биринчи дарслик

Информатика ўқитиш методикаси фанида қуйидаги асосий масалалар кўрилади ва ҳал этилади:

• 
  информатикани ўқитишнинг мақсади ва вазифалари қандай;
  
• 
  ўқув предмети сифатида информатиканинг мазмунини нималар ташкил этиши керак;
  
• 
  информатикадан ўқув материали қайси кетма-кетликда жойлашиши ва ўқувчиларга етказилиши керак;
  
• 
  информатикадан ўқув материалини тўлиқ ва чуқур ўрганиш учун қандай усул, шакл ва воситалардан фойдаланиш керак.
  

Бошқача қилиб айтганда, информатика ўқитиш методикаси олдига анъанавий саволлар учлиги қўйилади:

1. 
   информатикани нима учун ўрганиш керак (яъни, мақсад ва вазифаларни аниқлаш)?
   
2. 
   нимани ўрганиш керак (яъни, мазмунни аниқлаш)?
   
3. 
   информатикани қандай ўргатиш керак (яъни, танлаб олинган ўқитиш шакли доирасида таълимнинг самарали усул ва воситаларини аниқлаш)?
   

Информатика ўқитиш методикасини ўрганишнинг мақсади ўқитувчиларда шахсий методик тизимини ишлаб чиқиш ва шакллантиришдан иборат.

1-расм. Ўқитишнинг методик тизими