Педагогик инновациялар, касб-ҳунар таълими бошқарув ҳамда педагог кадрларини қайта тайёрлаш ва уларнинг малакасини ошириш институти

Хулосалаш методибу метод мураккаб, кўп тармоқли, мумкин қадар, муаммоли ҳарактеридаги мавзуларни ўрганишга қаратилган. Методнинг моҳияти шундан иборатки, бунда мавзунинг турли тармоқлари бўйича бир хил ахборот берилади ва, айни пайтда, уларнинг ҳар бири алоҳида аспектларда муҳокама этилади. Масалан, муаммо ижобий ва салбий томонлари, афзаллик, фазилат ва камчиликлари, фойда ва зарарлари бўйича ўрганилади. Бу интерфаол метод танқидий, таҳлилий, аниқ мантиқий фикрлашни муваффақиятли ривожлантиришга ҳамда ўқувчиларнинг мустақил ғоялари, фикрларини ёзма ва оғзаки шаклда тизимли баён этиш, ҳимоя қилишга имконият яратади. “Хулосалаш” методидан маъруза машғулотларида индивидуал ва жуфтликлардаги иш шаклида, амалий ва семинар машғулотларида кичик гуруҳлардаги иш шаклида мавзу юзасидан билимларни мустаҳкамлаш, таҳлил қилиш ва таққослаш мақсадида фойдаланиш мумкин.
"Инновацион таълим технологиялари" фани модулларининг ҳар бири инновацион таълим технологиясидан самарали фойдаланишни акс эттиради, элементларни ўзгартириш алгоритмини ўз ичига олади. Таълим технологияси ўқув вазиятининг талабига мувофиқ, шунингдек аниқ синфларда қўлланиладиган технологиянинг усуллари, шакллари ва воситаларини амалга ошириш учун индивидуал ҳаракатларни, ўқитиш технологиясини ўзгартириш курсини намойиш этади.
“Педагогик тажриба-синов ишларини ташкиллаштириш ва ўтказиш методикаси” деб номланган учинчи бобида “Инновацион таълим методлари ва технологиялари” фаннини ташкил этиш методикасини жорий этиш натижалари баён этилган.
Педагогик тажриба-синов ишлари 2018 йилдан 2021 йилгача бўлган даврда ўтказилди:
Педагогик тажриба-синов қуйидаги коллежларжа олиб борилди:

• 
  Тошкент педагогика коллежида-136 нафар;
  
• 
  Тайлоқ педагогика коллежида- 128 нафар;
  
• 
  Бухоро педагогика коллежида-174 нафар.
  

Педагогик тажриба-синов ишлари уч босқичда амалга оширилди:

• 
  I босқич (2018-2019йй) - аниқловчи;
  
• 
  II Босқичи (2019-2020йй) - шакллантирувчи;
  
• 
  III Босқичи (2020-2021йй) – назорат қилувчи.
  

Биз томонимиздан ишлаб чиқилган моделни амалга ошириш самарадорлигини баҳолаш натижалари профессионал таълим муассасалари ўқувчиларининг касбий фаолиятга тайёрлигини ривожлантириш, жумладан, таълим хизматлари истеъмолчиларининг касбий таълим шароитлари ва натижалари билан қониқишларини кузатиш, таълим муассасаларининг педагогик ходимлари томонидан битирувчиларнинг тайёргарлигини эксперт баҳолаш, ўқувчиларнинг касбий фаолиятга тайёргарлигини ривожлантиришнинг асосий тамойиллари ва усуллари 2-жадвалда келтирилган.