Педагогик атамалар луғати

«Қора қути» методи - таҳсил олувчилар томонидан мавзуни пухта 
ўзлаштиришга эришиш билан бирга уларни фаолликка ундаш, уларда ҳамкорлик 
ишлаш, маълум вазиятларни бошқариш ҳамда мантиқий тафаккур юритиш 
кўникмаларини шакллантиришни назарда тутувчи интерактив метод.
Қорихона – мусулмонларнинг диний ўқув юрти.
Қўллаш – ўрганилган ўқув материалини аниқ шароитлар ва янги вазиятларда 
татбиқ этиш кўникмалари.
 
Ғ 
 
Ғурур – фахр-ифтихор. 
Ғоя – инсон тафаккурида вужудга келадиган, жамият ва одамларни мақсад 
сари етаклайдиган фикр.
 
Ҳ 
 
Ҳаваскорлик – болаларнинг мустақил, ихтиёрий, тарзда амалга оширадиган 
фаолияти. 
Ҳаётий кўникмалар - ҳаётда ҳар бир инсон учун зарур бўладиган ижобий 
хатти- ҳаракатлар мажмуи.
 “Ҳайрат ул-аброр” - (“Яхши кишиларнинг ҳайратланиши”) – Алишер 
Навоийнинг “Хамса” асарининг биринчи достони (1483). 
Ҳамкорлик педагогикаси - 1) бу мустақил педагогик концепция бўлиб, 
унинг асосий натижаси ўқувчи ва ўқитувчи ҳамкорлигида кўзланган мақсадга 
эришиш; 2) ХХ асрнинг 70-80- йилларида шаклланган новатор-ўқитувчилар 
ҳаракати. 
Ҳарбий академия – Ўзбекистон Қуролли Кучлари учун юқори малакали 
командирлар таркибини ва илмий кадрларни тайёрлаб берувчи олий ўқув юрти (қ. 
Ўзбекистон Қуролли Кучлари академияси). 

---

- 97 - 
97 
Ҳарбий педагогика - ҳарбий ўқув юртларида бериладиган таълим-тарбиянинг 
назарий-амалий масалаларини ўрганувчи педагогика фанининг алоҳида бўлими. 
Ҳарбий таълим – қуролли кучлар ва қўшин турлари учун кадрлар тайёрлаш. 
Ҳарбий таълимнинг пайдо бўлиши ва тараққиёти ҳарбий фан ва ҳарбий санъат 
тараққиёти билан узвий боғлиқ. 
Ҳарбий ўқув юртлари – 1) қуролли кучларнинг барча турлари, қўшин 
турлари ва махсус қўшинлар учун кадрлар тайёрловчи ўқув муассасаси; 2) ҳарбий 
таълим сирлари, унинг назарий-амалий асосларини ўргатадиган ўқув юрти. 
Ҳарф – алифбо сирасида бўлган, ёзувда нутқ товушларини (фонемаларни), 
уларнинг вариантлари ва баъзи бир қўшилмаларини ифодалаш учун хизмат 
қиладиган босма ёки ёзма график белги.