Педагогик атамалар луғати

“Ҳашарчилар” ўйини – ўқув матнини тузишда фойдаланиладиган дидактик 
ўйин тури. 
Ҳикоя-баён – янги мавзу мазмунининг очиб берилиши, муайян режа асосида 
матннинг асосий муҳим жиҳатларни ажратиб изчил баён қилишга асосланган ёзма 
иш тури.. 
Ҳикоя-хулоса – машғулот сўнггида асосий фикрни якунлаш, хулосалаш ва 
умумлаштириш, муайян мавзу юзасидан мустақил ишлаш учун топшириқлар 
бериш усули.
Ҳижо усули (усули таҳажжи) – ўқувчиларга алифбо тартибидаги ҳарфларнинг 
номлари; улар асосида ясалган ҳижо, яъни бўғинлар, абжадни ёдлаш ва ўқитишга 
асосланган дидактик усул.
Ҳинд тили Давлат таълим стандарти – ҳинд тили таълим мазмуни ва ушбу 
ўқув предмети бўйича ўқувчилар эгаллайдиган билим, кўникма, малакаларга 
қўйилган талабларни давлат томонидан тасдиқланган эталони, модели. 
Ҳинд тили хонаси – ҳинд тили фанини ўқитишда дарс ва дарсдан ташқари 
машғулотларни самарали ташкил этишга қаратиб махсус жиҳозланган ўқув хонаси. 
Ҳинд тили ўқитиш методикаси – 1) ҳинд тили таълими назарияси ҳамда 
методикаси бўйича талабаларга муайян билим, кўникма, малакалар ҳосил қилишга 
йўналтирилган ўқув фани; 2) ҳинд тили ўқитиш методикаси хусусий 
педагогиканинг асосий сохаси. 
Ҳиссиёт – шахснинг воқеиликдаги нарса ва ҳодисаларга, кишиларга ҳамда ўз-
ўзига бўлган муносабатлардан келиб чиқадиган кечинмалари. 
Ҳисоблаш - сонларнинг саноғи ва миқдорини аниқлаш. 
 
I ва II даражали “Соғлом авлод учун” ордени - Ўзбекистон 
Республикасининг 1993 йил 7 май Қонуни билан таъсис этилган. Бу орден билан 
кишилар оналик ва болаликни муҳофаза қилиш, соғлом авлодни камол топтириш 
учун энг яхши моддий шароит ва ахлоқий муҳитни таъминлашдаги алоҳида 
хизматлари учун мукофотланадилар. 
«3/3» («4/4», «5/5», ...) методи - таҳсил олувчилардан ўрганилаётган мавзу 
(ёки бўлим, боб) юзасидан таҳлилий мулоҳаза юритиш, шунингдек, энг муҳим 
таянч тушунчаларни ифодалай олишини талаб этувчи интерактив метод.