Pdf-faylidagi rasmiy manba

Davlat bojxona qo‘mitasi raisi			(imzo)
X. Xxxxxxxx
Toshkent sh., 2014-yil 10-yanvar, 23-son
Tashqi iqtisodiy aloqalar, investitsiyalar va savdo vaziri				(imzo)				X. Xxxxxxxx
Toshkent sh., 2014-yil 10-yanvar , 8-son
Iqtisodiyot vaziri				(imzo)				X. Xxxxxxxx
Toshkent sh., 2014-yil 10-yanvar, 83-son

O‘zbekiston Respublikasi Davlat bojxona qo‘mitasi, Tashqi iqtisodiy aloqalar, investitsiya va savdo vazirligi va Iqtisodiyot vazirligining 2014-yil 10-yanvardagi 23, 8 va 83-son qaroriga
ILOVA
2006-yil 30-avgustdagi Orol dengizining O‘zbekiston qismiga tegishli Mahsulot taqsimotiga oid bitimni bajarish doirasida O‘zbekiston Respublikasi bojxona chegarasi orqali olib o‘tiladigan tovarlarning bojxona rasmiylashtiruvi
QOIDALARI
Ushbu Qoidalar O‘zbekiston Respublikasining “Davlat bojxona xizmati to‘g‘risida”gi Qonuni 6-moddasi va O‘zbekiston Respublikasi va “O‘zbekneftgaz” MXK, Koreya Milliy Neft Korporatsiyasi, “LUKOYL Oversiz Xolding Ltd.” (Rossiya), “Petronas Charigali Oversiz Sdn. Bxd.” (Malayziya) va “Si-En-Pi-Si Inteneshnl Ltd.” (XXR) tarkibidagi sarmoyadorlar konsorsiumi o‘rtasida 2006-yil 30-avgustdagi Orol dengizining O‘zbekiston qismiga nisbatan Mahsulotni taqsimlash to‘g‘risidagi bitimga muvofiq, ko‘rsatilgan Bitim doirasida O‘zbekiston Respublikasi bojxona chegarasi orqali olib o‘tilayotgan tovarlarni bojxona rasmiylashtiruvini amalga oshirish tartibini belgilaydi.
1. Ushbu Qoidalarda quyidagi asosiy tushunchalar ishlatiladi:
MTB — 2006-yil 30-avgustdagi O‘zbekiston Respublikasi va “O‘zbekneftgaz” MXK, Koreya Milliy Neft Korporatsiyasi, “LUKOYL Oversiz Xolding Ltd.” (Rossiya), “Petronas Charigali Oversiz Sdn. Bxd.” (Malayziya) va “Si-EN-Pi-Si Inteneshnl Ltd.” (XXR) tarkibidagi sarmoyadorlar konsorsiumi o‘rtasida Orol dengizining O‘zbekiston qismiga nisbatan Mahsulotni taqsimlash to‘g‘risidagi bitim, ilova hamda o‘zgartishlar va qo‘shimchalarni ichiga olgan holda;