Патологик

 
 

---

199 
10.13. 
ЯЛЛИҒЛАНИШНИНГ НАЗАРИЯЛАРИ. 
 
Яллиғланишнинг назариялари унинг мухим томонларини, яллиғ-ланишнинг 
айрим томонларини ёритади ва уларнинг хар бири яллиғланиш механизмларини 
тушунишда ўз аҳамиятига эга. Яллиғланишнинг биринчи назариясини 1887 йил 
Конгейм шакллантирган ва у яллиғланишнинг томирлар назарияси номи билан 
юритилади. 
Конгейм 
яллиғланишнинг 
ҳамма 
клиник 
аломатларини 
микроциркуляциянинг ўзгариши билан тушунтиради. Яллиғланган ўчоқдаги 
артерияларнинг кенгайиши ва артериал қонни кўп оқиб келиши иссиқликни 
чиқишига ва кизаришга сабаб бўлади, капиллярлар ўтказувчанлигини ортиши, шиш 
пайдо бўлишига, инфильтратни хосил бўлишига, нервларни босилиши оғриқ пайдо 
бўлишига, шуларни ҳаммаси биргаликда функцияларни бузилишига олиб келади. 
Конгеймнинг назарияси ўзининг аниқлиги ва соддалиги билан кенг оммалишиб 
кетди. Ҳозирги замон электронмикроскопик ва биомикроскопик тадкикотлар бу 
назариянинг қатор қоидаларини янгидан тасдиқламоқда. 
Яллиғланишни иккинчи назарияси биологик назария бўлиб, уни 
И.И.Мечников(1892й.) яратган. У яллиғланишни кенг биологик маънода ифодалайди. 
Яллиғланишни организмни зарарли омиллар таьсирига химоя ва мослашув реакцияси 
деб хисоблайди. 
И.И.Мечников организмни "агрессор"га карши кўрашида фагоцитозга катта 
эьтибор беради. И.И.Мечниковгача бўлган олимлар яллиғланишни махаллий жараён 
деб хисоблар эдилар. У ялигланишни мураккаб жараён сифатида организмнинг ҳамма 
даражадаги организацияларида ривожланувчи жараён сифатида тасаввур этади. 
Буларга ҳужайра (фагоцитоз), система (иммун системаси), орг анизмнинг яхлит 
даражалари киради. 
Яллиғланишни чукур физик-кимёвий ва патокимёвий урганиш туфайли 
навбатдаги умумлаштирувчи назария пайдо булади. Бу назария-1923 йили Шаде 
яратди. У яллиғланиш учоғида тўқима ацидози ва осмотик гипертензия ва онкотик. 
босимни ошганлигини аниклади. 
Менкин (1948й) биологик-кимё ва бошка фанларнинг замонавий усулларидан 
фойдаланиб, яллиғланиш учун хос бўлган биологик фаол моддаларни: лейкотоксин, 
некрозин, пирексин, лекоцитоз омили ва ҳ.к. кабиларни ажратиб олди. Бирок, 
кейинги тадкикодларда у тахмин килган моддаларни ҳаммаси тасдикланмади. Шунга 
карамасдан Менкин ва Шаде яллиғланишнинг ҳозирги замон назариясига асос 
солдилар. Бу назария яллиғланишни физик-кимёвий ёки биокимёвий назарияси деб 
юритилади. Яллиғланишнинг ҳозирги замон назарияси асосчилари (Поликар, Флори, 
Цвейфах, А.М.Чернух) яллиғланишнинг патогенезини жуда кенг тасаввур киладилар. 
Конгейм, Мечников, Шаде ва бошкалар эришган ютукларни унумлаштириб 
яллиғланишни ҳужайралар, субҳужайралар, молекуляр даражаларидаги замонавий 
назарияси яратишга харакат килинмокда, бундай назария амалий врачлар учун 
нихоятда зарур.