Патологик физиология

10.13. Я Л Л И Г Л А Н И Ш Н И Н Г НАЗАРИЯЛАРИ. 
Яллигланишнинг назариялари унинг мухим томонларини,
яллиг­
ланишнинг айрим томонларини ёритади ва уларнинг хар бири яллигланиш 
механизмларини тушунишда ўз
аҳамиятига эга. Яллигланишнинг биринчи 
назариясини 1887 йил Конгейм шакллантирган ва у яллигланишнинг 
томирлар назарияси номи билан юритилади. Конгейм яллигланишнинг 
ҳамма клиник аломатларини микроциркуляциянинг узгариши билан 
тушунтиради. Яллигланган ўчоқдаги артерияларнинг кенгайиши ва артериал 
крнни кўп оқиб келиши иссикликни чиқишига ва кизаришга сабаб бўлади, 
капиллярлар утказувчанлигини ортиши, ш и ш пайдо бўлишига, инфильтратни 
хосил бўлишига, нервларни босилиши оғриқ пайдо бўлишига, шуларни 
ҳаммаси биргаликда функцияларни бузилишига олиб келади. Конгеймнинг 
назарияси ўзининг аниқлиги ва соддалиги билан кенг оммалишиб кетди. 
237 

---

Ҳозирги замон электронмикроскопик ва биомикроскопик тадкикотлар бу 
назариянинг қатор қоидаларини янгидан тасдиқламоқда. 
Яллигланишни иккинчи назарияси биологик назария бўлиб, уни 
И.И.Мечников(1892й.) яратган. У яллигланишни кенг биологик маънода 
ифодалайди. Яллигланишни организмни зарарли омиллар таъсирига химоя в а 
мослашув реакцияси деб хисоблайди. 
И.И.Мечников организмни "агрессор"га карши кўрашида фагоцитозга 
катта эътибор беради. И.И.Мечниковгача бўлган олимлар яллигланишни 
махаллий жараён деб хисоблар эдилар. У ялигланишни мураккаб жараён 
сифатида организмнинг ҳамма даражадаги организацияларида ривожланувчи 
жараён сифатида тасаввур этади. Буларга ҳужайра (фагоцитоз), система 
(иммун системаси), орг анизмнинг яхлит даражалари киради. 
Яллигланишни чукур физик-кимёвий ва патокимёвий урганиш туфайли 
навбатдаги умумлаштирувчи назария пайдо булади. Бу назария-1923 йили 
Шаде яратди. У яллигланиш учогида тўқима ацидози ва осмотик гипертензия 
ва онкотик. босимни ошганлигини аниклади. 
Менкин (1948Й) биологик-кимё ва бошка фанларнинг замонавий 
усулларидан фойдаланиб, яллигланиш учун хос бўлган биологик фаол 
моддаларни: лейкотоксин, некрозин, пирексин, лекоцитоз омили ва ҳ.к. 
кабиларни ажратиб олди. Бирок, кейинги тадкикодларда у тахмин килган 
моддаларни ҳаммаси тасдикланмади. Шунга карамасдан Менкин ва Шаде 
яллигланишнинг ҳозирги замон назариясига асос солдилар. Бу назария 
яллигланишни физик-кимёвий ёки биокимёвий назарияси деб юритилади. 
Яллигланишнинг ҳозирги замон назарияси асосчилари (Поликар, Флори, 
Цвейфах, А.М.Чернух) яллигланишнинг патогенезини жуда кенг тасаввур 
киладилар. 
Конгейм, Мечников, Шаде ва бошкалар эришган ютукларни 
унумлаштириб яллигланишни ҳужайралар, субҳужайралар, молекуляр 
даражаларидаги замонавий назарияси яратишга харакат килинмокда, бундай 
назария амалий врачлар учун нихоятда зарур.