Патологик физиология

13.5. ЎСМАНИНГ ПАТОГЕНЕЗИ 
Ўсма ўсишининг патогенезида 3 даврни фарқ килинади: тарнсформация -
соглом ҳужайрани ўсма ҳужайрага айланиши (инициация), промоция ва ўсмани 
прогрессияси. 
Трансформация
- деганда дастлабки соглом, нормал ҳужайрани ўсма 
ҳужайрасининг асосий хоссасини - чексиз кўпайиш қобилиятини эгаллаши 
ва бу қобилиятни ирсий йўл билан қиз ҳужайраларга берилишига айтилади. 
Трансформация икки йўл билан пайдо бўлса керак. Буларни бири мутацион 
349 

---

ва иккинчиси эпигеном йўлларидир. Иккаласи ҳам ҳужайра бўлиниши 
регуляциясининг бузилиш механизмидир. Шу туфайли канцерогенезнинг 
механизмларини тушуниш ҳозирги замон ҳужайра биологиясини марказий 
муаммолари билан тўппа - тўғри боғлиқ. Бу аслида ҳужайраларни 
бўлинишининг маъноси ва шу жараённи бошкарилиши ҳужайра 
биологиясининг марказий муаммосидир. 
Ҳужайралар бўлинишини таъминловчи етакчи жараён бўлиб, митотик 
даврвнинг " S " даврида ҳужайрани бутун геномидаги ДНКни репликацияси 
хисобланади. Бу жараён мулътиферментлар мажмуи (комплекси) билан 
рўёбга ошади ва ҳужайра бўлинишининг G, даврида ҳужайрада унинг 
бўлинишининг махсус инициаторини пайдо бўлишидан бошланади. Ҳужайра 
булинишининг инициацияси ва ДНК редупликациясини бошланиши G, 
даврида оқсилни синтезига боғлиқ. Тажрибада шу даврда оксил синтезини 
ингибитори циклогексимидни юборилиши ДНК синтезини бошланишини 
камаллайди, аммо кейинроқ юборилган бу модда редупликация бошланган 
бўлса, унга тасир кўрсатмайди. 
Ҳужайрада инициаторни пайдо бўлиши ва ҳужайрани бўлинишини 
бошланиши геннинг дерепрессиясининг натижасидир. Бу ген эса шу 
инициаторни кодловчисидир. Демак ҳужайра булинишининг инициаторини 
генининг функциясини регуляцияси айнан шу ҳужайранинг кўпайишини 
бўшланиши ва тўхтатишини бошқаришга имконият беради. Соғлом - нормал 
ҳужайралар сонини чекланиши ва бўлинишни тезлашуви хар бир ҳужайрада 
мавжуд бўлган бўлиниш регуляцияси тизими билан тушунтирилади. Бу 
регуляция махсус регулятор генлардан ташкил топган. 
Хъюгс гипотезаси бўйича бўлинишни генрегуляцияси хар бир 
ҳужайрадаги уч регулятор генлардан таркиб топган тизим билан амалга 
ошади. Ген - репрессор 1 - репрессор 1 - кодлайди, у эса ҳужайра бўлиниши 
инициатори генини функциясини тухтатади. Уз навбатида ген - репрессор 1 
ген - репрессор - 2 назоратида бўлади. Ген - репрессор 2 репрессор - 2ни 
кодлайди, у эса ген - репрессор 1 нинг функциясини тухтатади. Бу вакт 
репрессор 1 синтези тўхтайди ва ҳужайра бўлинишини ген - инициатори 
фаоллашади. Ҳужайра булинишининг инициатори пайдо бўлади, у 
геномнинг ДНК сини редупликация механизмини кушилиб кетишига 
крбилиятлидир. Аммо, оддий шароитларда бу нарса содир бўлмайди, чунки 
ҳужайра булинишининг инициаторини компонентлари ген - репресор - 2 ни 
репрессия қилиишга қобилиятлидир. Шундай килиб регуляция тизими акс 
алокага эга, ана шу алоқа тизимнинг автономлигини таъминлайди ва шу 
туфайли нормада регуляция ҳужайра бўлинишини олдини олишга 
мўлжалланган. 
Хужайранинг купайиши учун геномда ҳужайра булинишининг 
инициаторини компоненти билан ген - репрессор - 2нинг репрессиясини 
олдини олувчи омил бўлиши лозим, ёки шундай омил бўлиши керакки у 
ҳужайра бўлиниши инициатори генининг репрессор 1ини репрессиясини 
олдини олиш лозим. Агар шундай омил бўлмаса, регулятор генлар тизими 
ген-инициаторни тухтатади. Хужайранинг кўпайиши тўхтайди. Хъюгсни 
350 

---

ҳужайра булинишининг чизмасига асосланиб канцерогенезни маъносини 
тушиниш мумкин.