Ботаника институти ва ўзбекистон миллий университети ҳузуридаги илмий даражалар берувчи

Тадқиқотнинг 
республика 
фан 
ва 
технологиялари 
ривожланишининг асосий устивор йўналишларига боғлиқлиги. Мазкур 
тадқиқот республика фан ва технологиялар ривожлантиришининг 
V.«Қишлоқ хўжалиги, биотехнология, экология ва атроф-муҳит муҳофазаси» 
устивор йўналишига мувофиқ бажарилган. 
Муаммонинг ўрганилганлик даражаси. Дарёлар альгофлораси ва 
уларнинг таксономик таҳлили, сувнинг экологик-санитария ҳолатини 
ўрганишга бағишланган илмий тадқиқотлар хорижлик олимлардан Krammer 
K., H. Lange-Bertalot (1991), Kristiansen J. (1996), D.D. Olding et al (2000), B. 
Zarei Darki (2013), МДҲ мамлакатларида Б.К. Каримова (1972) Ш.И. Коган 
(1972), С.И. Генкал, Л.П. Ярмошенко (2009),), X. Хисориев, П.А.Курбонова 
(2012), М.Т. Бобоев (2018) ва бошқаларнинг ишларида ёритилган. 
Мамлакатимизда дарёлар альгофлорасини ўрганиш, уларнинг санитария 
ҳолатини сапробликка индикатор турлар ёрдамида баҳолаш борасида 
Алимжанова Х.А. (1991), Тальских В.Н. (1991), Эшмуратова Н. (2010), 
Исматова З. (2018) лар томонидан тадқиқотлар олиб борилган. Илмий 
адабиётларда Зарафшон дарёсининг юқори оқими ҳавзасида жойлашган 
турли сув ҳавзалари альгофлорасини А.М. Музафаров ва К.Ю. Мусаев (1957-
1960 йй) ўрганган. И.А. Киселев ва Е.И. Киселеванинг Эски Бухоро ва 
Самарқанд атрофидаги сойлар, булоқлар, шолипоялардаги сувўтлар ҳақида 
тадқиқотлари мавжуд (1929-1931 йй.). Й.Ш. Тошпўлатов (2018) дарёнинг 
ўрта оқими альгофлорасининг турлар таркибини ўрганган. Бироқ, экологик 
жиҳатдан бошқа қисмларидан кескин фарқ қиладиган, кучли антропоген 
таъсирлар остида бўлган ҳудудда жойлашган дарёнинг қуйи оқими 
альгофлораси тўғрисида илмий адабиётларда ҳеч қандай маълумот 

---

7 
келтирилмаган. Шунинг учун Зарафшон дарёси қуйи оқими ҳавзаси 
альгофлорасининг турлар таркибини аниқлаш ва таксономик таҳлил қилиш, 
мавсумлар давомида оқим бўйлаб тарқалиши, сапробликка индикатор 
сувўтлар асосида дарё сувининг экологик-санитария ҳолатини баҳолаш 
муҳим аҳамиятга эга.