«turon-iqbol»

Ilk qadam
YOSHLIK
Bahor oftobidek charog‘on yoshlik
Meni tashlab ketma, iltimos hech ham.
Ba’zida bo‘ladi ozroq beboshlik,
Ulg‘ayganim sari qalbda bo‘lar g‘am.
To‘xta, qayoqlarga shoshding, bunchalar
Hali senla bo‘lay bir lahza qolgin,
Hech bo‘lmasa shu tong otgunga qadar,
Yoshlik, yoshligimni yodimga solgin!
BOYLIGIM OTAM
Otajonim siz mening davlatimdirsiz,
Qalbi muzga mehr urug‘in sochgan.
Farzandlar ko‘nglida ochilmas sirsiz
Bardoshingiz hatto tog‘lardan oshgan.
Qaddingiz, qadringiz balanddir doim 
O‘tgunchi dunyoda qiynalmang hech ham.
Umringiz, baxtingiz bo‘lsin-da to‘kis,
Ota siz umrimni yorutguvchi sham.
Qalbingizda alam bo‘lsada ammo,
Ko‘zingiz kuladi tutmasdan motam.
Hayotimda sizla bo‘lmas muammo, 
Siz menga jannati insonsiz Otam.
ONA
Ona zahmatingdan gullaydi toshloq,
Mehringdan muz qalblar erib ketadi.
Bir umr mehnatda qo‘llari qadoq,
Borini bizlarga berib ketadi.
Yonasan, kuyasan farzand g‘amida

---

118