«turon-iqbol»

Ilk qadam
* * *
Egnimda nochorlik libosi yamoq, 
Qo‘limda baquvvat bir ertak kitob. 
Kimlardir kulishar qiribon tomoq,
Men parvo qilmayman ketaveraman.
Hayot bitiklarin bitaveraman!
Yaxshiga yondashib yomondan yiroq,
Qalbim yig‘lasada kularman har chog‘.
Nomimni yomonga yo‘yinglar biroq,
Men parvo qilmayman ketaveraman. 
Hayot bitiklarin bitaveraman!
Umrim sahifasin to‘ldirib baxtga,
Oppoq qor misoli yog‘averaman.
Mayli yaqinlarim chiqarsa yotga,
Men parvo qilmayman ketaveraman,
Hayot bitiklarin bitaveraman!
Chap ko‘ksimda ungan jannatiy bir gul, 
Qur’on suralari suv quyar onga.
G‘iybatim qilganlar yo‘q sizda ko‘ngil,
Men parvo qilmayman ketaveraman.
Hayot bitiklarin bitaveraman!

---

76
Ilk qadam
Qobilova Marjona Karimjon qizi 2003-
yil 2-avgust Samarqand viloyati Pastdarg‘om 
tumanida tug‘ilgan. Hozirda 125-umum-
ta’lim maktabida tahsil oladi. Ijod namunalari 
“Past Darg‘om haqiqati”, “Fidoyi yoshlar”, 
“Tong yulduzi” kabi gazeta va bir qancha 
bayozlarga kiritilgan. Samarqand viloyati 
“Yosh ijodkorlar kengashi” a’zosi. 
YOSHLIK
Ko‘ngillarga orom berib yangrar tarona,
Ona yurtim zaminida bugun tantana.
Yurakkinam qalqib, yonib turar hamona,
Shodliklarga to‘lsin shu yurt yana va yana.
Ko‘nglim qo‘shiq aytar, tinglang qalbim navosin,
Dunyolarni larzaga solsin ovozim.
Ko‘ksim simib olar har on yurtim havosin,
Ilgarilab ketmoqdaman baland parvozim.
Qo‘lni qo‘lga bering, do‘stlar, bu bizning davr
Imkonimiz, kuchimizni dunyolar ko‘rsin.
Yurtimizning iftixori biz yoshlar axir,
O‘zbekiston buyukligin jahona bilsin.
Keling do‘stlar birlashaylik ziyo bo‘lmoqqa 
Mahkam tutaylik qo‘llarni turaylik bardam.
Yurtimizning jahon aro nomin bitmoqqa
Bog‘lab qo‘yaylik azizlar dillarni mahkam.
Keling, do‘stlar birlashaylik ulug‘ kun uchun 
Keling, yoshlar birlashaylik kelajak uchun.

---

77