«turon-iqbol»

Ilk qadam
KO‘ZYOSHIMSAN
Umid berib so‘ng tark etgan yolg‘onimsan,
Ushalmagan orzu kabi armonimsan.
Kuz Bahordek yiroqlikda biz telbalar,
Daryolardan toshib ketgan ko‘zyoshimsan.
Qolishimni istamapsan qayt demading,
Kelishimdan oldin nega ket demading.
Men telbani nahot bir bor, bir sevmading,
Dengizlarga borib yetgan ko‘zyoshimsan.
Ketmoqdasan, ortingda yor qoldi vijdon, 
Tark etishing ko‘rib ko‘z yosh to‘kdi osmon.
Mendan kechish nahot senga bo‘ldi oson,
Yomg‘irlarga aylanguvchi ko‘zyoshimsan.
Titroq lablar ketarkansan nega demas,
Yurak hayron jim qotgancha savol bermas.
Ko‘zlar yoshdan to‘lib ketdi bo‘lib sevmas,
To‘fon kabi bosh ko‘targan ko‘zyoshimsan.
OROL
Qani o‘sha go‘zallik, qani sho‘x to‘lqin,
Qani uning ko‘z yoshi javob ber osmon?
Dengizlarning xasadi keldimi tag‘in
Orolimning tosh bag‘ri endi qabriston.
Ko‘ksingda ko‘p kemalar qilardi xizmat
Qani endi gavjumlik, butun dunyo lol.
Sening bunday ketishing og‘ir musibat
Ko‘zimdagi ko‘z yoshdek quriding Orol!

---

79
Ilk qadam
Nahot endi suzmaydi oltin baliqlar,
Nahot endi ov qilmas ko‘ksingda qarmoq.
Sayr qilmaydi nahot endi qayiqlar
Nahot endi qalbimda uyg‘onar titroq.
Osmonlarga qo‘shilib yig‘lagim keldi,
Bu tomchilar bag‘ringni to‘ldirsa edi.
Yig‘layotgan ko‘zimni aylab begona
Ko‘z yoshlarim sohilga urilsa edi.
O‘TKAN KUNLAR
Nega atrof bugun saqlaydi sukut,
Nega bugun jim, sayroqi qushlar.
Kimnidir uyg‘otishdan qo‘rqayotgandik
Nega shamol ham shovqinsiz esar?
Mahzun jimlik kezadi oydin kechada
Nega daraxt shitirlashi kunduzdan yiroq.
Hatto ovoz chiqarmaydi burgut parvozi
Shovqindan ham sukunat qiynaydi ko‘proq.
Charchadimi tebranishdan qo‘ng‘iroq gullar
Yoki silab o‘tmadimi bu telba shamol?
Hatto tinchlik saqlaydi eng notinch dengiz
Uyqudami tabiat bo‘lib qoldim lol.
Yoki kimdir buyurdimi bo‘lingiz deb jim
Nega tog‘lar bag‘ridan kelmaydi ovoz?
Bu shafqatsiz olam ham tinchidimi yo
Nega o‘ynoqi qushlar qilmaydi parvoz?
Zerikarli ekan-ku jimjit bu dunyo
Hayqirsam ham tog‘lar bermaydi sado.

---

80
Ilk qadam
Nega bugun sukutga cho‘mdi bu olam
Bugun nega jimsan javob ber samo?
Yoki buning sababi O‘tkan kunlar-mu,
Axir butun olamni tark etdi Kumush.
Yorsiz, yolg‘iz oldi-ku mangu Otabek,
Nega endi tabiat bo‘lmasin xomush???
ESLAMAYSIZ
Esingizdan chiqardingiz, bir bor kelib yo‘qlamaysiz,
Yodingizga tushsam hamki, hol-ahvolim so‘ramaysiz.
Avvalgidek yo‘llarimdan izlarimni izlamaysiz,
 Bevafosiz bag‘ri qaro eslamasam-eslamaysiz.
Urmas yurak bo‘lib nahot ko‘ksingizdan ayrildimmi,
Ayb mendami, yoki ortga ketaturib qayrildimmi.
Yoki sizdek beparvodek o‘tgan kunni unutdimmi?
Bevafosiz bir bag‘ri tosh, eslamasam-eslamaysiz.
Quyosh edim qaysi bulut visol onin tez berkitdi,
Zulmatginam sizni nurdan ayting kimlar quvg‘in etdi.
Sog‘inganim sizni yana nega endi o‘ylamaysiz?
Bevafosiz bedavodek, eslamasam-eslamaysiz.
Biz gullagan g‘uncha edik, xazon bo‘lib qurib ketdik,
Siz u yonda, men qay tomon yo‘li ayro bo‘lib ketdik.
Qalbingizga kimlar kirdi, ikkimiz ham yonib bitdik,
Bevafosiz begonadek, eslamasam-eslamaysiz.

---

81