«turon-iqbol»

BARCHA YO‘LLAR SEN TOMON BOSHLAR...
Oliygoh miqyosida kitobxonlar bellashuvi o‘tkazilganida Ni-
zomiddin birinchi o‘rinni egalladi. Aslida ham shunday bo‘lishi 
kerak edi. Axir filolog bo‘la turib, musiqachi yo sportchilarga 
yutqazish, uningcha sharmandalik. Gap tanlov, kim g‘olib yo 
mag‘lubligida ham emas. Gap shu kundan bog‘langan, aslida 
esa anchadan beri bir-birini izlayotgan pok qalblarning topishu-
vi haqda. Nizomiddin ishtirokchilarning qaysi kitoblarni sevib 
o‘qishini bilmoqchi bo‘ldi. Shunchaki, qiziqishdan so‘rovnoma 
tuzdi. Siz sevgan bitta asar: O‘zbek va jahon adabiyotidan. Oq 
qog‘oz aylana stolni aylanib Nizomiddinning o‘ziga qaytib keldi. 
Turli husnixatda turfa asarlar nomlarini o‘qir ekan, aynan o‘zi 
sevgan asarlarning nomini yozgan bir qiz uning e’tiborini tortdi. 
Nizomiddin O‘zbek adabiyotidan O‘tkir Hoshimovning “Ikki 
eshik orasi”, jahon adabiyotidan Paulo Koeloning “Alkimyo-
gar”i deb yozib so‘rovnomaga yakun yasadi. Notanish qizning 
yozuvi ostiga tabassum qilgan smaylik ham chizib qo‘ydi…
Ziddiyat har qadamda uchraydigan hayotimizda, o‘zing bi-
lan hamfikr insonni uchratish; saratonda chanqab turganingda, 
kutmagan insoning tomonidan pok-pokiza buloq suvi tutgan-
day gap. Chanqab turganingda buloq suvidan qanchalik ro-
hatni tuysang, hamfikr insoning bilan suhbat qurganingda ham 
shunday ma’nan rohat olasan kishi. Odatda, Nizomiddin kitob 
va kitobxonlik haqida baland-past davralardagi tortishuvlarga 
qo‘shilmasdi. Bunday davralardan bezor edi ham. Biriga bilimim 
oz deb, boshqasiga esa bilimsizlar sabab qo‘shilmasdi. Ammo 

---

51