«turon-iqbol»

Ilk qadam
MADADKORIM OTAM
Shunchalar mehringiz issiq,
Siz uchun ta’zimda borliq.
So‘zlaringiz juda iliq,
Madadkorim otam mening.
Ona qizim, – deysiz meni,
Mehnat qilasiz har kuni.
Biroz dam olingda endi,
Madadkorim otam mening.
Duolar qilasiz bizni,
Gapirasiz dono so‘zni.
E’zozlasak ham oz sizni,
Madadkorim otam mening.
Hurmat qiladi mahallamiz,
Hech og‘ritmaysiz dilimiz.
Siz bilandir oilamiz,
Baland tog‘im otam mening.
O‘rgatasiz ilm ulug‘in,
So‘raysiz nochorning holin.
Yashang oilamiz uchun,
Mehribonim otam mening.
Har so‘zingiz bizga hikmat,
Yoz-u qish qilasiz mehnat.
Hech bir qilmaysizda minnat,
Madadkorim otam mening.

---

44