Mutaxassis xodimlarini qayta tayyorlash va malakasini oshirish instituti

 Kelgan xat-xabarlarni qabul qilish, ro„yxatga olish va jo„natish  
Hujjatlarni qabul qilish va dastlabki ishlash kanselyariya yoki kotib tomonidan amalga 
oshiriladi. 
Hujjatlar  solingan  konvertlar,  shu  jumladan  buyurtma  konvertlar  ham  ochiladi,  shu 
bilan birga unda hujjatlar (ilovalari ham) borligi tekshiriladi. 
Hujjatlar  yetishmasligi  yoki  yaroqsizlanganligi  aniqlanganda  ikki  nusxada 
dalolatnoma  tuziladi,  ulardan  biri  umumiy  bo‗lim,  kanselyariya,  kotibda  qoladi,  ikkinchisi 
paket kelgan tashkilotga jo‗natiladi. 
Adashib  jo‗natilgan  hujjatlar,  hujjatga  birga  kelgan  konvertni  ilova  qilgan  holda, 
belgilangan joyiga yangi konvertlarda jo‗natiladi yoki yuboruvchiga qaytariladi. 

---

 
17 
Kelib  tushgan  hujjatlar  konvertlari  (shu  jumladan  fuqarolar  xatlari)  jo‗natuvchining 
manzilini,  hujjatning  jo‗natilgan  va  olingan  vaqtini,  shuningdek  shaxsiy  yoki  pulini  to‗lab 
olinadigan  hujjatlarni  faqat  konverti  bo‗yicha  aniqlash  mumkin  bo‗lgan  hollarda  yo‗q 
qilinmaydi. 
Olingan  hujjat  birinchi  varag‗ining  pastki  qismiga  ro‗yxatga  olish  shtampi  qo‗yiladi, 
unda  oluvchi  tashkilotning  qisqartirilgan  nomi,  hujjatning  kelib  tushgan  sanasi  va  uning 
indeksi bo‗ladi. 
«Shaxsan» ustxatli yoki jamoat tashkilotlari nomiga yo‗llangan hujjatlar ochilmaydi va 
belgilangan oluvchiga beriladi. 
Dastlabki  ko‗rib  chiqish  ularning  mazmunini  baholashdan  kelib  chiqqan  holda, 
tashkilotda belgilangan vazifalar taqsimoti asosida amalga oshiriladi. 
Bevosita  tarkibiy  bo‗linmalarga  yoki  mansabdor  shaxslarga  yo‗llangan  hujjatlar 
dastlabki ko‗rib chiqishlarsiz belgilangan oluvchiga beriladi. 
Fuqarolarning takliflari, arizalari va shikoyatlari fuqarolarning  xatlarini ko‗rib chiqish 
bo‗yicha  maxsus  bo‗linmalarga  yoki  ishlar  boshqarmasi,  umumiy  bo‗lim,  kanselyariya 
(kotib)ga beriladi. 
Fuqarolarning  takliflari,  arizalari  va  shikoyatlari  bilan  ishlashni  tashkil  etish, 
shuningdek  tashkilotlar  rahbarlari  tomonidan  fuqarolarni  qabul  qilishni  tashkil  etish  tartibi 
alohida Nizom bilan belgilanadi. 
Tashkilot  rahbariyatiga  yoki  aniq  mansabdor  shaxs  va  tarkibiy  bo‗linma 
ko‗rsatilmasdan  yuborilgan  hujjatlar  dastlab  ishlar  boshqarmasi,  umumiy  bo‗lim, 
kanselyariyada, kotib tomonidan ko‗rib chiqiladi. 
Qolgan  hujjatlar  ishlar  boshqarmasi,  umumiy  bo‗lim,  kanselyariya,  kotib  tomonidan 
dastlabki  ko‗rib  chiqishdan  keyin  rahbar  o‗rinbosarlariga,  ular  o‗rtasida  vazifalarning 
taqsimlanishiga muvofiq yo‗llanadi. 
Hujjatlarni  ishlab  chiqish  va  ijro  etuvchilarga  berish  ularning  kelib  tushgan  kunida 
yoki  ish  vaqti  bo‗lmagan  vaqtda  kelib  tushganda  birinchi  ish  kunida  amalga  oshirilishi 
kerak.