Samarqand davlat universiteti I. T. Ergashev, B. M. Eshonkulov,D. S. Normurodov, F. A. Oblokulov

GLOSSARI 
Autbriding - 
bir-biriga irsiy jihatdan yaqin (qarindosh) boʻlmagan 
organizmlarni chatishtirish.
 
Aprobatsiya qilish – 
oʻsimliklarning genetik (nav) jihatidan qanchalik toza 
ekanligini kasalliklarga, zararkunandalarga chidamliligi va ekishga moʻljallangan 
urugʻlikning umumiy holatini aniqlash maqsadida dalada oʻtkaziladigan tadqiqot. 
Biotexnologiya – 
tirik hujayrada kechadigan jarayonlardan va shu 
hujayraning genetik tarkibidan foydalanishga asoslangan mahsulot yetishtirish 
usullarining yigʻindisi.
 
Biotip - 
oʻsimlik turining tashqi koʻrinishi bilan farqlanmaydigan, lekin 
biologik va fiziologik xususiyatlari boshqacha va oʻzgarmas boʻlgan guruhi.
 
Bichish (kastratsiya) – 
ona sifatida olingan oʻsimlikning gulidagi 
changdonlarini terib olish (yulib tashlash).
 
Gen injineriyasi usullari – 
qishloq xoʻjalik ekinlarining yangi shakllari, 
liniyalari, navlari va duragaylarining patogenlariga oʻta chidamliligini oshirishga va 
navlarni yaratish muddatini qisqartirishga qaratilgan muhim vazifalarni yechish 
imkoniyatlarini ta‘minlaydi.
 
Insuxt – 
chetdan changlanadigan oʻsimliklarni majburan oʻzidan 
changlatish.
 
Irsiyat – 
organizmdagibelgi va xususiyatlarning nasldan-naslga oʻtishi.
 
Insuxt-liniya – 
bitta chetdan changlanuvchi oʻsimlikni majburan oʻzidan 
changlatib olingan avlod.
 
Introduksiya – 
oʻsimliklarning tur va navlarini boshqa joylardan keltirish.
 
Klon – 
vegetativ yoʻl bilan koʻpayadigan bitta oʻsimlikning avlodi.
 
Liniya – 
oʻzidan changlanuvchi bitta oʻsimlikning avlodi.
 
Mutagenez – 
sun‘iy omillar (mutagenlar) ta‘sirida organizmlarda irsiy 
oʻzgarishlar hosil boʻlish jarayoni.