Н. Ж. Сотволдиев, З. С. Абдуллаев

 
Юқоридаги чет эл инвестицияларини жалб этишнинг асосий 
йўналишлардан келиб чиқиб,
 
битирув малакавий иши таркибига 
инвестицияларга оид қисм киритишнинг ўзига хос хусусиятларини аниқлаш 
мумкин.
 
 
 
X. БИТИРУВ МАЛАКАВИЙ ИШИНИ ТАРТИБ СОЛИШ 
 
Талабаларни битирув малакавий иши – Ўзбекистон Республикаси Олий 
ва ўрта махсус таълим вазирлигининг «Олий таълим муассасаларида 
бакалаврларнинг битирув малакавий ишини бажаришга қўйиладиган 
талаблар»ига тўла жавоб берадиган даражада ёзилиши ва тартибга солиниши 
зарур. 
Битирув малакавий ишини тушунтирув қисми камида 10-15 минг сўз 
ҳажмида қўлёзма тарзида ёки компьютерда бажарилиши мумкин. 
Чизмаларнинг формати, шартли белгилари, шрифт ва масштаблари амалдаги 
стандартлар талабларига қатъий мувофиқ келиши зарур, одатда чизмалар А2 

---

форматли қоғозда (5-6 варақ ҳажмида) қаламда бажарилади ёки техника 
воситалар орқали тайёрланиб, экранда ёки электрон доскада кўрсатилади. 
Архитектура йўналишидаги чизмаларга қўйиладиган талаблар уларга 
мувофиқ келувчи ўқув-услубий бирлашмалар (ассоциациялар) томонидан 
белгиланади. 
Кафедранинг тавсиясига биноан битирув малакавий иш чет 
тилларининг бирида бажарилиши мумкин. Чет тилда бажарилган ишга 
давлат тилидаги аннотация илова этилади ва ҳимоя вақтида таржима 
таъминланади. 
Матнни ёзиш тартиби. 
Битирув малакавий ишининг матни аниқ, 
тушунарли ва юқори саводхонлик даражасида орфографик ва стилистик 
хатоларсиз ёзилади. Малакавий ишни содда, аниқ ва тушунарли қилиб 
ёзилиши унинг юқори даражада бажарилиши белгиларидан бири 
ҳисобланади.
Матнни жойлаштириш тартиби. 
Битирув малакавий ишини матни 
стандарт оқ қоғозни бир томонига ёзилади. Бунда ушбу қоғозни чап томони 3 
см., ўнг томонидан 1 см., тепа қисмидан 2 см. ва пастки қисмидан 1,5 см. жой 
ташланади.
Ҳисоблаш формулалари тушунарли ва аниқ қилиб қўлда ёзилади. 
Жадваллар, расмлар, схема, график ва чизмалар ҳам оқ қоғозга юқоридаги 
талабларга амал қилган ҳолда битирув малакавий ишининг тушунтирув 
қисмида келтирилади ва номланади.
Битирув малакавий ишида сўзлар ва атамаларнинг қисқартирилишига 
йўл қўймаслик лозим. Бошқа муаллифлар ва йўриқномалардан келтирилган 
фикрлар, гаплар қўштирноқ ичига олиниб, қайси адабиётнинг қайси бетидан 
олинганлиги мазкур саҳифанинг пастки қисмида ёки адабиётлар рўйхатидаги 
рақами кўрсатиб қўйилиши зарур. Корхона маълумотларини акс эттирувчи 
ҳужжат ва маълумотлар битирув малакавий ишининг иловалар қисмига 

---

ўтказилади, матнда эса қайси рақамли иловага қараш кераклиги кўрсатиб 
ўтилади.