Microsoft Word navoiy xamsatul mutahayyirin lotin ziyouz com doc

www.ziyouz.com
kutubxonasi 
9
qililur erdi. Faqir tiladimkim, anga adab buyurg‘ayman. 
— Sen hech nima demagilkim, anga adab yetgusidur. Bir necha kun o‘tmadikim, yana bir devona 
ani urub o‘lturdi. 
* * * 
Qurrat ul-ayni saltanat Muzaffar Husayn mirzo
49
ning Ahmad Husayn otlig‘ farzandi tengri 
rahmatig‘a borganda alar azo so‘rar dastur bila «Bog‘i Safed»g‘a kelib erdilar. Faqir ul aziz farzand 
marsiyasi bila ul aziz ota duosi bobida bu baytni aytib erdimkim: 
Gar sham’ murd, mehri falakro mador bod, 
Gar qatra rext, obi baqoro qaror bod
50
. 
Ul Hazrat xizmatlarida astag‘ina o‘qudum. Sultonzoda majlislarida alar davot va qalam va qog‘oz 
tiladilar, dag‘i bu baytni bitidilarkim: 
Farzand mevaest zi shoxi daraxti umr, 
Gar z-on ki meva rext, shajar poydor bod
51
. 
Va sultonzoda niyozmandlig‘lar qilib, bu baytning musavvadasin olib, azim ta’zimlar qilib 
uzottilar. 
* * * 
Alar Makka safaridin
52
qaytib shaharg‘a kelganda, podshoh ro‘zgor havodisi iqtizosidin Balx 
yurushig‘a borib erdilar. Chun humoyun royotkim, Balxdin qaytib, taxtg‘a ozim bo‘ldilar, istiqbol 
rasmi bila Murg‘ob viloyatig‘acha kelib erdilar. Podshoh bila muloqotdin so‘ngra bandaxonag‘a tashrif 
kelturub, kecha anda bo‘ldilar. Kecha alar istirohat qilur uchun bir yangi takallufliq oq uy bor erdi, ani 
tikturuldi, to ul Hazrat anda osoyishg‘a mashg‘ul bo‘ldilar. 
Ittifoqo ul kecha bir g‘arib tund yel estikim, o‘rduning ko‘proq oq uy chodirlarin yiqib, ajab oshub 
el orasig‘a soldi. Alar uchun tikkan oq uyni dag‘i yiqib, ushotibdur. 
Alar xizmatidag‘i ashob degandurlarkim: 
— Hayf bu uydinki, yaxshi uy erdi, ajab pora-pora bo‘ldi. Muni tikkan farroshlar, oyo, ne 
degaylar? 
Alar debturlarkim: 
— Ne degaylar, aytg‘aylarkim, koshki bu shum 
qadamliq mullolar bizning uyga kelmasalar erdi. 
* * * 
49
Muzaffar Husayn mirzo – Husayn Boyqaro o‘g‘illaridan biri, 
50
Baytning mazmuni: 
Sham’ o‘chsa ham osmon quyoshi aylanib tursin,
Qatra to‘kilsa ham boqiylik suvi barqaror bo‘lsin. 
51
Baytning mazmuni: 
Farzand umr daraxti shoxidagi bir mevadir,
Agar undan meva to‘kilsa, daraxt doimo bo‘lsin. 
52
Jomiy Makka safariga 1472 y. da chiqqan edi. 

---

Alisher Navoiy. Holoti Sayyid Hasan Ardasher