Microsoft Word navoiy xamsatul mutahayyirin lotin ziyouz com doc

www.ziyouz.com
kutubxonasi 
26
beribsen, ammo abnoyi jinsg‘a dag‘i ushbu nisbat voqe’ bo‘lubtur. Shoyadki abnoyi jins bu nisbatdin 
or qilib, qabul qilmag‘aylar. Tashbihekim, kishining o‘z kasri nafsi jihatidin bir jamoatg‘a ihonat 
yetgay — yaxshi bo‘lmag‘ay». 
Faqir ayttimkim: «O‘zumni itga tashbih qilibmen — kasri nafs jihatidin emas, balki nafsoniyat 
tug‘yonidin bayoni voqe’dur. Abnoyi jinski debmen, sizni demaymen, soyir itlarni debmenkim, ko‘y-
ko‘chada yururlar». 
Miri mazkur bu so‘zimdin mutaassir bo‘lib, ko‘z yoshi bila duo va tahsin qildi. Va Mirning bu 
savoli va faqirning javobi shuhrat tutti. Alarning dag‘i muborak sam’ig‘a yetishganda istehson qilib 
debdurlarkim: «ul bayti xud yaxshi baytdur, ammo javobi ham ul baytidin yaxshiroq voqe’ bo‘lubtur», 
— deb, bu faqirni g‘oyibona fotiha bila bahramand va arjumand qilibturlar. Faqir eshitgach, mujibi 
nishotu xushholliq va boisi inbisotu forig‘ulbolliq bo‘ldi. 
* * * 
Faqir Astrobod yo‘lida Taxti Sulaymon dahanasidin alar xizmatig‘a bu ruboiyni bitib erdimkim, 
r u b o i y: 
Ey bod, dilam bishud digar jonibi yor, 
Jon ham bibaru ba poi u soz nisor 
V-on gah qadre zi xoki poyash bardor, 
Bahri evazi joni mani dilshuda or
116
. 
Alar javobida bu ruboiyni bitib erdilarkim, ruboiy: 
Ey bod, chu omadi zi sarmanzili yor, 
Omad ba dilam z-omadanat sabru qaror. 
N-omad ba qaror az in qadar jon zinhor 
Uro bibaru ba on ki doni bisupor
117
. 
Chechaktu haddida alardin bu ruq’a kelib erdikim: 
«Salome karda az «sin» tezdandon, 
Kushoda uqdaho az rishtai jon. 
Salome az kamandi turrai «lom». 
Dili sohibdilon ovarda dar dom, 
Salome xushtar az firdavsi a’lo, 
«Alif» dar vay kashida qad chu to‘bo. 
Ba zeri on «alif» az chashmai «mim» 
Ayon dar poi to‘bo ayni Tasnim. 
116
Ruboiyning mazmuni: 
Ey shamol, dilim yana yor tomon yo‘naldi, 
Jonni ham olib borib, oyog‘i ostiga to‘shagil 
Va o‘sha oyog‘i ostidagi tuproqdan ozgina olib, 
Jonim evaziga men dilsiz qolganga keltirgil. 
117
Ruboiyning mazmuni: 
Ey shamol, yor manznlidan kelding, 
Kelishingdan ko‘nglimga sabru qaror yetishti. 

---

Alisher Navoiy. Holoti Sayyid Hasan Ardasher