Халқ таълими ходимлари асосий лавозимларининг малака тавсифлари

67-§. Республика таълим маркази бош методисти
лавозимининг малака тавсифлари 
Тартиб рақами 
296 
Машғулотларнинг миллий стандарт 
классификатори бўйича коди 
1229 
Ходимлар тоифаси 
Бошқарув 
211. Лавозим вазифалари: 
а) умумтаълим муассасаларида давлат таълим стандартлари, ўқув дастурларининг 
ижросини, таълим-тарбия ва методик хизматнинг аҳволини ўрганиб, аниқланган 
камчиликларни бартараф этиш бўйича методик кўрсатма ва тавсиялар бериш; 
б) бириктирилган фани бўйича қайта нашр этиладиган ва янги яратилган дарслик, 
ўқув-методик қўлланмаларни экспертизадан ўтказиш ишларини ташкил қилиш ва экспертиза 
натижаларини муаллифларга етказиш, муаллифлар билан ишлаш ҳамда дарслик ва ўқув 
қўлланмаларни нашрга тайѐрлаш; 
в) давлат таълим стандартлари талабларининг бажарилиши юзасидан ўтказилган 
мониторинг натижалари асосида ўқувчиларнинг билимидаги узилишларни тўлдириш 
масалалари бўйича тавсиялар яратиш; 
г) таълим муассасаларини аттестация ва аккредитацияга тайѐрлаш ҳамда 
жиҳозлашнинг методик таъминоти билан шуғулланишда амалий ѐрдам кўрсатиш; 
д) амалдаги қонунчиликда белгиланган тартибда Республикамизда таълим 
йўналишида фаолият кўрсатаѐтган халқаро ташкилотлар билан ҳамкорлик ишларини амалга 
ошириш; 
е) бириктирилган фани йўналишидаги тажриба-тадқиқот ишларининг олиб 
борилишини ташкил этиш, методик ѐрдам кўрсатиш; 
ж) ихтисослаштирилган ва айрим фанлар чуқур ўрганиладиган мактаблар ва синфлар 
учун ўқув режа, ўқув дастур, методик адабиѐтларни яратиш бўйича муаллифлар гуруҳини 
шакллантириш; 
з) умумий ўрта таълим мактаблари фан хоналарини жиҳозлаш, физика, кимѐ, биология 
ва бошқа фанлари учун яратилган ўқув-лаборатория жиҳозлари, компьютер синфларидан 
самарали фойдаланиш бўйича методик тавсиялар яратиш; 
и) умумий ўрта таълим мактаблари якуний аттестацияси учун материаллар тайѐрлаш 
ва ўтказилишида амалий ѐрдам кўрсатиш; 
к) педагогик фан ютуқлари ва илғор педагогик тажрибалар, “Миллий истиқлол ғояси”, 
миллий ва умуминсоний қадриятлар асосида ўқувчи-ѐшларда маънавий-аҳлоқий сифатларни 
шакллантиришга қаратилган методик тавсиялар яратиш; 
л) методик хизмат тизимини такомиллаштиришга йўналтирилган ўқув-семинарлар ва 
бошқа тадбирларни ташкил этиш; 
м) ўқувчиларнинг Республика фан олимпиадалари, “Йилнинг энг яхши мактаби”, 
“Йилнинг энг яхши фан ўқитувчиси” ва бошқа кўрик-танловларни ўтказиш бўйича назорат 
топшириқлар ва баҳолаш мезонларини тайѐрлаш; 
н) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 
212. Билиши лозим: 
а) давлатимизнинг халқ таълимига, умумий ўрта таълим мактаблари учун дарсликлар 
ва ўқув қўлланмаларининг нашрга тайѐрлашга оид ва болалар ҳуқуқларини тартибга солувчи 
норматив-ҳуқуқий ҳужжатларини; 

---

92 
б) мутахассислиги бўйича янгиликларни, психология-педагогика фани ютуқларини ва 
уни ҳаѐтга татбиқ этиш йўлларини; 
в) методик ишларни ташкил этиш ва самарадорлигини ошириш усулларини; 
г) давлат таълим стандартлари талабларини ўқувчилар томонидан ўзлаштириши 
мониторингини олиб бориш натижасида аниқланган камчиликларни бартараф этиш 
йўлларини; 
д) давлат таълим стандартлари, ўқув режа, ўқув дастури ва бошқа ўқув-методик 
ҳужжатларнинг мазмуни ҳамда ўқув жараѐнига татбиқ этиш йўлларини; 
е) дарсларни таҳлил қилиш ва амалий ѐрдам бериш шаклларини, таълимнинг метод ва 
воситаларини; 
ж) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
213. Малака талаблари: 
а) олий педагогик маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.