Халқ таълими ходимлари асосий лавозимларининг малака тавсифлари

113-§. Библиограф лавозимининг малака тавсифлари 
Тартиб рақами 
106 
Машғулотларнинг миллий стандарт 
классификатори бўйича коди 
2432 
Ходимлар тоифаси 
Мутахассис 

---

149 
349. Лавозим вазифалари: 
а) кутубхона ишига оид истиқболли ва жорий режаларни ишлаб чиқишда ва уларни 
амалга ошириш жараѐнларида бевосита иштирок этиш ҳамда уларнинг сифат даражасини 
ошириш; 
б) ахборот ва библиография соҳасига оид дастурлар ва бошқа ҳужжатларни ишлаб 
чиқишда иштирок этиш; 
в) кутубхонанинг маълумот-библиографик аппаратини барпо этиш ва юритишда, 
библиографик маълумотларни тайѐрлашда қатнашиш; 
г) фойдаланувчиларга янги асарлардан индивидуал ва жамоавий тарзда хабардор этиш 
ҳамда библиографик маълумот ва ахборотлар етказиб бериш; 
д) библиографик материаллар ва қўлланмалар тайѐрлашда, ахборот-кутубхонага 
тааллуқли технологияларни ишлаб чиқишда ва уларни амалга ошириш жараѐнларида китоб 
тарихи соҳасидаги илмий тадқиқотларда иштирок этиш; 
е) бошқа ахборот-кутубхоналар ҳамда илмий-техникавий ахборот органлари билан 
библиографик фаолиятни амалга ошириш; 
ж) ўта мураккаб библиографик маълумотларнинг босма ва электрон шаклларини 
тайѐрлаш, улар юзасидан маслаҳатлар бериш ҳамда тарғиб қилиш; 
з) кутубхонанинг анъанавий ва электрон ташувчилардаги маълумотлар-библиографик 
аппарати (каталоглар, картотекалар, адабиѐтларнинг тавсиявий руйхати, ахборот 
материаллари)ни юритиш; 
и) давлатимиз ва хориж давлатлар ахборот-кутубхоналарининг ишни ташкил этиш 
бўйича илғор тажрибаларини ўрганиш ва уларни кутубхонага жорий этиш бўйича 
раҳбариятга таклифлар киритиш; 
к) санитария-гигиена талабларига, меҳнатни муҳофаза қилиш, техника ва ѐнғин 
хавфсизлиги қоидаларига риоя қилишни таъминлаш. 
350. Билиши лозим: 
а) давлатимизнинг халқ таълими тизимига оид ва болалар ҳуқуқларини тартибга 
солувчи ҳамда ахборот-кутубхона фаолиятини такомиллаштиришга тегишли амалдаги 
норматив-ҳуқуқий ҳужжатларини; 
б) давлат таълим стандартлари, мутахассислиги бўйича юртимизда ва жаҳон 
амалиѐтида бўлаѐтган янгиликларни; 
в) ахборот-кутубхона назарияси ва амалиѐтини, методик ишларни ташкил этиш ва 
самарадорлигини ошириш усулларини; 
г) давлатимиз ва хориж давлатлар илм-фанининг библиография ва ахборот соҳасидаги 
ютуқлари ҳамда ахборот-кутубхона жараѐнлари технологиясини; 
д) библиография ва информатика соҳасидаги методик материалларни; 
е) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
351. Малака талаблари: 
а) ўз йўналиши бўйича камида бакалавр даражасидаги олий маълумот; 
б) кутубхоначи лавозимида камида икки йиллик иш стажи.