Book · October 021 citations reads 555 authors

Genetik kasalliklardan
 
sitrus daraxtlarida ximera, qizamiq va 
laym barglari dog‘lanishi uchraydi. 
Pestisidlar fitotoksikligi
. Ekinga oltingugurt changlatilgandan 
so‘ng oftob nurlari to‘g‘ri tushganda sitrus mevalarining qobig‘i 
kuyishi mumkin. 
Ozuqa moddalari yetishmasligi
. 
Azot
yoki 
fosfor
: barglarning 
barchasi och-yashil yoki sarg‘ish-yashil tus oladi, daraxt o‘sishi 
sekinlashadi, hosil kamayadi. Azot yetishmasligi geografik tarqalishi 
bo‘yicha birinchi o‘rinni egallaydi. 
Kaliy
: mevalar kichik, ularning 
qobig‘i yupqa va g‘ayrioddiy silliq bo‘lib qoladi. 
Kalsiy
: boshqa 
tashqi belgilar mavjud bo‘lmagan holda, daraxt o‘sishi juda 
sekinlashadi va hosil kamayadi. 
Mis
: yosh novdalar keragidan ortiq 
uzayib, barglar kattalashib ketadi; poyada yelim hosil bo‘lishi va 
novdalar uchidan boshlab nobud bo‘lishi mumkin. Kasalliklarga 
qarshi ekinga tarkibida mis bo‘lgan fungisidlar purkaladigan joylarda 
mis yetishmasligi kuzatilmaydi. 
Temir
: avval yosh, keyin boshqa 

---

178
barglarda yaqqol xloroz kuzatiladi – barglar och-yashil yoki sariq, 
barg tomirlari esa to‘q-yashil tus oladi. Temir yetishmasligi daraxt 
ildizi suv ostida qolib, shikastlanganida, nematodalar bilan 
zararlanganida yoki ekin mis bilan zaharlanganida yuzaga chiqadi. 
Daraxtlar neytral yoki ishqoriy tuproqlarga ko‘ra nordon tuproqlarda 
temirni yaxshiroq o‘zlashtiradi. Temir yetishmasligining oldini olish 
yoki buning salbiy oqibatlarini yo‘qotish uchun tuproqqa temir xelati 
solinadi. 
Magniy
 
yetishmasligi qumoq tuproqlarda tez-tez uchraydi. 
Bu oson aniqlanadi – barglarda, oldin chetlaridan boshlab, xloroz 
rivojlanadi va barglarning ko‘p qismini egallaydi, faqat barg asosida 
delta-shaklli yashil qismi saqlanadi.