Farmokognoziya oxiri p65

Dorivor preparatlari. 
Devinkan (kichik va tik o‘suvchi bo‘ri-
gullar alkaloidlarining yig‘indisi, tabletka hamda ampulada eritma

---

192
holida chiqariladi), vinkapan (kichik bo‘rigul alkaloidlarining
yig‘indisi, tabletka holida chiqariladi), vinkaton (kichik bo‘rigul
alkaloidlarining yig’indisi, tabletka holida chiqariladi).
TIK O‘SUVCHI BO‘RIGUL ILDIZPOYASI VA ILDIZI —
RHIZOMATA ET RADICES VINCAE ERECTAE
O‘simlikning nomi. 
Tik o‘suvchi bo‘rigul — Vinca erecta Rgl.
et Schmalh., kendirdoshlar — Apocynaceae oilasiga kiradi.
Ko‘p yillik, bo‘yi 30—40 sm ga yetadigan o‘t o‘simlik.
Ildizpoyasidan bir necha tik o‘suvchi (kichik bo‘riguldan farqi),
shoxlanmagan poya o‘sib chiqadi. Bargi elliðssimon, ba’zan
tuxumsimon, uzunligi 5 sm gacha, eni 2,5 sm gacha bo‘lib,
poyada bandsiz qarama-qarshi joylashgan. Barg plastinkasining
pastki tomonida bir nechta cho‘zinchoq tomirlari bo‘rtib chiq-
qan bo‘ladi. Gullari yirik, alohida-alohida barg qo‘ltig‘iga joy-
lashgan bo‘lib, ichki tomoni oq, tashqi tomoni esa pushti rangga
bo‘yalgan. Gulkosachasi 5 bo‘lakka qirqilgan, tojbargi voron-
kasimon, 5 bo‘lakka qirqilgan, otaligi 5 ta, onalik tuguni 2
xonali, yuqoriga joylashgan. Mevasi — 2 ta bargchadan iborat.
Mart-aprel oylarida gullaydi, mevasi may-iyunda yetiladi.
Geografik tarqalishi. 
O‘rta Osiyoning Tyanshan, Pomir-
Oloy tog‘larida uchraydi. Asosan, tog‘ etaklarida, tosh-shag‘alli
qiyaliklarda va qoyalarda o‘sadi.
Mahsulot tayyorlash. 
O‘simlik gullab, mevalar yetilgandan
so‘ng (iyun oylarida) yerosti organlari kovlab olinadi, tup-
roqdan tozalab, yuvib, yiriklari mayda bo‘laklarga qirqilib, ochiq
havoda quritiladi. Qurigan mahsulot alkaloidlar olish uchun
zavodlarga yuboriladi.
Mahsulotning tashqi ko‘rinishi. 
Tayyor mahsulot quritilgan
ildizpoya va ildizlardan tashkil topgan. Ildizpoya gorizontal holda,
qattiq, yog‘ochlangan, tangachali bo‘lib, to‘p-to‘p joylashgan
mayda ildizlari bor. Mahsulot mazasi achchiqroq.