Farmakologiya

Lobelin gidroxlorid. Venaga yuborilganida karotid sinusini
qo‘zg‘atib, refleks yo‘li bilan nafas markazini qo‘zg‘atadi. Shu
bilan bir qatorda vegetativ nervlar gangliysini va buyrakusti
bezining xromafin to‘qimasini ham qo‘zg‘atadi. Lobelin
adashgan nerv markazini qo‘zg‘atgani uchun bradikardiyaga
sabab bo‘ladi. Bundan tashqari, lobelin qon bosimini ko‘taradi.

---

93
Preparatning ta’siri uzoq vaqtga cho‘zilmaydi. Nafas markaziga
bo‘lgan qo‘zg‘atuvchi ta’siri preparatni teri ostiga yoki mushaklar
orasiga yuborilganda ham kuzatiladi. Lekin bunda preparat dozasini
bir necha bor ko‘paytirishga to‘g‘ri keladi. Dozaning oshirilishi
preparatning markaziy nerv tizimiga ta’sirini ham oshiradi.
Natijada har xil ko‘ngilsiz hollar kuzatilishi mumkin. Shuning
uchun lobelin nafas analeptigi sifatida faqat minimal dozada
venaga yuboriladi.
Lobelin gidroxlorid yurak-tomir tizimining kasalliklarida
(ateroskleroz, giðertoniya va boshqalar) berilmaydi.
Sititon. Asosiy farmakologik ta’siri bo‘yicha lobelin gidroxlo-
ridga o‘xshaydi. Nafas markaziga bo‘lgan bilvosita ta’siri, asosan,
preparatni venaga yuborganda bilinadi. Nafasning qo‘zg‘alishi
qisqa muddatlidir. Sititon ham lobelin singari qon bosimini
ko‘taradi. Shu sababli preparat shok holatida, giðotoniyada,
kollapsda ham ishlatilishi mumkin. Chekuvchilarda bo‘ladigan
xumor qilish holatini kamaytirish uchun ham beriladi.