Farmakologiya

D. Zaharning tanadan ajralib chiqishini tezlashtirish.
Siydik haydovchi moddalar  (gipotiazid,  furosemid),  ko‘p
suv ichirish va izotonik eritma yuborish, dezintoksikatsion
suyuqliklar yuborish (gemodez va b.) Ayrim hollarda sun’iy
buyrak apparati qo‘llash, peritoneal dializ qo‘llash.
Xulosa qilib aytganda, zaharlanishni bartaraf etishda o‘z
vaqtida va to‘g‘ri ko‘rilgan chora-tadbirlar natijasida bemor
hayotini saqlab qolish mumkin. Bu borada zaharlanishning
oldini olish, shaxs hayotini saqlab qolish mumkin. Shaxs
hayotini muhofaza etish alohida ahamiyatga ega. Buning uchun
dorilarni retseptda yozib berishda xatolikka yo‘l qo‘ymaslik
(ayniqsa, dori dozalarini to‘g‘ri yozish), ularni uy sharoitida
va tibbiyot muassasalarida asrashni to‘g‘ri tashkil qilishga e’tibor
bermoq darkor.
Dori preparatlari saqlanadigan joylar bolalar uchun
daxlsiz bo‘lmog‘i zarur. Qo‘llash muddati tugagan, keraksiz
dorilarni saqlamaslik tavsiya etiladi. Dorilarni faqat shifokor
tavsiyasiga binoan iste’mol etish zarur, bu borada o‘zi
bilarmonlik, o‘zboshimchalik fojiali oqibatlarga olib kelishi
mumkin.

---

375