Farmakologiya

Inyeksiya uchun ishlatiladigan dori vositalari
Inyeksiya qilish maqsadida turli xildagi dori shakllari
ishlatiladi. Ularga qo‘yiladigan asosiy talablardan biri sterillikdir.
Dori vositalarini sterillashning bir qancha turi mavjud.
X Davlat Farmakopeyasiga asosan, inyeksiya uchun mo‘ljal-
langan dori vositalari avtoklavda to‘yingan bug‘ bilan 119—121°C
yoki oqib turgan bug‘da 100 yoki 110°C haroratda sterillanishi
lozim.
Yuqori harorat ta’sirida tarkibi o‘zgaradigan eritmalar tin-
dalizatsiya (suvda 60—65°C da 1 soat davomida 5 marotaba
yoki 70—80°C da har 24 soatda 3 marotaba isitish) yoki
bakterial filtratsiya (mayda teshikli steril filtrlardan o‘tkazish)
yo‘llari bilan sterillanadi. Mineral va o‘simlik moylari quritgich
shkaflarida 180—200°C havoda sterillanadi.
Ularga quyidagi talablar qo‘yiladi: fizikaviy va kimyoviy
jihatdan toza sterillangan, apirogen (yuborilganda bemorda isitma
ko‘tarilmasligi). Katta hajmda suvda eritilgan dori vositalari qaysi
yo‘l bilan (teri ostiga, mushaklar orasiga, venaga va b.)
yuborilmasin izotonik bo‘lishi kerak. Bular esa osh tuzining
sterillangan 0,9 % li yoki 5 % li glukoza eritmasida tayyorlanadi.
Dorixonalarda tayyorlanadigan inyeksion eritmalar uchun
retseptga „sterilizatsiya qilinsin“ so‘zi qo‘shiladi.
Rp.: Novocaini 1,25
Sol. Natrii chloridi 0,9 % – 500 ml
Sterilisetur!
D.S. Inyeksiya uchun operatsiya xonasiga.
Rp.: Sol. Novocaini 0,25 % – 500 ml
Sterilisetur!
D. S. Inyeksiya uchun operatsiya xonasiga.
Hozirgi vaqtda ko‘pchilik inyeksion dori vositalari zavodlarda
ampulada yoki flakonda tayyor holda chiqariladi. Retseptda

---

43
ularning yozilishida „sterilizatsiya“ so‘zi qayd etilmaydi va eritma
foiz (%) da ko‘rsatiladi.
Rp.: Sol. Strophanthini 0,05 % – 1 ml
D.t.d.N. 5 in ampullis
S. 1 ml ni 5% glukozaning 10 ml ga qo‘shib venaga
yuborilsin.
Ayrim dori vositalarining eritmasi turg‘un bo‘lmagani
uchun ular flakon  yoki ampulada kukun yoki tabletka holida
chiqariladi va eritmalari yuborishdan oldin tayyorlanadi.
Rp.: Thiopentali 1,0
D.t.d.N. 6 in ampullis
S. Flakondagi 10 ml 0,9% li sterillangan izotonik
eritmada eritilib venaga yuborish uchun.
Ayrim dori vositalari (gormonal dorilar, antibiotiklar va b.)
ta’sir birligida (ÒB) dozalanadi.
Rp.: Insulini pro injectionibus 40 TB – 5 ml
D. S. Inyeksiya uchun. Shifokor ko‘rsatmasi bo‘yicha.
Ayrim ofitsinal inyeksion eritmalar esa konsentratsiyasiz va
„Solutio“ so‘zisiz yoziladi.
Rp.: Cytitoni 1 ml
D.t.d.N. 5 in ampullis
S. Venaga yuborish uchun.