Farmakologiya

Giðotenziv ta’siri. Ayrim neyroleptik preparatlar markaziy
nerv tizimiga tinchlantiruvchi va turlicha ta’sir ko‘rsatib,
ko‘pchilik hollarda qon tomirlarini kengaytiradi va shu yo‘l bilan
qon bosimini asta-sekin pasaytiradi. Preparatlarning bunday
giðotenziv ta’siri qon bosimi ko‘tarilganda — giðertoniyada
ancha yaxshi namoyon bo‘ladi. Shuning uchun ham bu guruh
preparatlar, ayniqsa, rezerpin, giðertoniya kasalligida ishonchli
va samarali bo‘lib, keng qo‘llaniladi.
Qusishga qarshi ta’siri. Bu guruh ayrim vakillarining
(etaperazin) ta’siri natijasida bosh miyaning IV qorinchasida
joylashgan qusish markazini ishga tushiruvchi tuzilmalar
„trigger zonasi“ning faoliyatini susaytiradi. Boshqacha aytgan-
da, neyroleptiklarning qusishga qarshi ta’siri ularning qusish
markazini tormozlab qo‘yishiga bog‘liq. Bu preparatlar turli
sabablarga ko‘ra to‘xtovsiz qusish hollarida yaxshi kor qiladi
(homiladorlik, miya o‘smalari, nur kasalligi, zaharlanish).