Samarqand davlat universiteti isoqjon negmatov ijtimoiy ishning etik

Hamma-
mizga ayonki, bugungi murakkab globallashuv davrida jamiyatimizda milliy 
g‘oya va mafkuraviy immunitetni kuchaytirish, yoshlarimizni turli zararli 
g‘oya va tahdidlardan asrash, ularni o‘z mustaqil fikriga ega, irodali, fidoyi 
va vatanparvar insonlar etib tarbiyalash har qachongidan ham dolzarb 
ahamiyat kasb etmoqda”
138
. 
Darhaqiqat, vatanparvar insongina o‘z kasbining 
fidoyisi va sohaga yangiliklarni qo‘rqmasdan joriy etuvchi ekanligini inobatga 
olsak, Yurt-boshimiz ta’kidlarida juda katta teran ma’no ifodalanganligini 
ko‘rishimiz mumkin. Shu boisdan ham bo‘lg‘usi yosh ijtimoiy ish xodimlarni 
vatanparvarlik ruhida tarbiyalashda axloq alohida ahamiyat kasb etishini inobatga 
olish lozim. Xuddi shu nutqida Prezidentimiz yana bir muhim masalani, ya’ni 
“Aksariyat bitiruvchilarning bilim va malakasi mehnat bozori talablariga javob 
bermayotganini ham tan olishimiz kerak. Mahalliy ta’lim muassasalarida 
innovatsion faoliyat hamda tadqiqot natijalarini amaliyotga joriy etish darajasi juda 
past”
139
ligini ta’kidladilar. Bu esa ijtimoiy ish sohasiga ham tegishli bo‘lib, 
pandemiya sharoitida ijtimoiy ish xodimlari va mutaxassislarining bilim, 
ko‘nikma, malaka va kompetensiyalarning yetarli darajada emasligini ko‘rsatib 
qo‘ydi. 
Ma’lumki, axloqning jamiyat hayotida tutgan o‘rni u bajaradigan funksiyalar 
bilan belgilanadi. Bular quyidagilardan iborat: 
Regulyativ funksiya 
‒ axloqning asosiy funksiyasi hisoblanadi. Regulyativ 
funksiya shaxs, xizmat jamoasi, davlat va jamoat institutlari faoliyatini jamiyatda 
mavjud bo‘lgan axloqiy normalar asosida boshqarib turishni anglatadi. Shu 
maqsad-da bir qancha vositalarga tayanadi: axloqiy prinsiplar, jamoatchilik fikri, 
axloqiy avtoritet, an’analar, urf-odatlar va hokazo. Axloq nafaqat alohida shaxs, 
balki butun jamiyatning ham xulq-atvorini boshqaradi.