Pazandachilik asoslari

Sho’r karam salati. 
Sho‘r karam ishlovdan o‘tkazilib, somoncha shaklda 
kesilgan olma, mayda to‘g‘ralgan piyoz, shakar, dog‘langan o‘simlik yog‘i 
qo‘shiladi. Yangi olma o‘rniga maymunjon, mandarin, apelsin, gilos yoki 
marinadlangan olma solish mumkin. 
Sarimsoqpiyozli, pishloqli qizilcha salat. 
Pishirilgan qizilcha somoncha 
shaklida to‘g‘raladi va mayda chopilgan sarimsoqpiyoz bilan aralashtirilib, 
likobcha yoki salat idishiga uyub solinadi, ustidan qirilgan pishloq sepib beriladi. 
Go’sht salati. 
Pishirilgan yoki qovurilgan go‘sht (mol, qo‘y, buzoq, 
cho‘chqa) yupqa tilim-tilim qilib pishirilgan kartoshka, yangi yoki sho‘r bodringlar
yupqa tilim-tilim shaklda to‘g‘raladi, tuz, mayonez, «Yujniy» sardagi qo‘shib 
aralashtirib salat idishi yoki likobchaga uyub solinadi, atrofi yupqa kesilgan go‘sht, 
bodring parragi, pishirib pallacha shaklida kesilgan tuxum, qisqichbaqa bo‘yni va 
ko‘kat bilan bezatiladi. Mol go‘shti 48 g, pishirib tozalangan kartoshka 40 g, 
bodring 30 g, tuxum 15 g, krab (konservasi) 15 g, mayonez 30 g, «Yujniy» sardagi 
8 g, ko‘kat 2 g, ziravorlar.
Kartoshka salati. 
Pishirib tozalangan kartoshka tilim-tilim qilib to‘g‘raladi, 
to‘g‘ralgan piyoz, salat sardagi yoki smetana bilan aralashtirilib, likobcha yoki 
salat idishiga uyub solinadi va ko‘kat bilan bezaladi. Bu salatga yana pishirilgan 
sabzi, sho‘r bodring, karam, qo‘ziqorin qo‘shib tayyorlash ham mumkin. 
Kartoshka 68 g, bosh yoki ko‘k piyoz 34 g, smetana yoki mayonez 30 g. Sof 
og‘irligi 

---

72 
«Markaz» salati.
Parranda go‘shti pishirilib, go‘shti ajratilib yupqa va tilim-
tilim shaklida kesiladi. Pishirilgan kartoshka, sho‘r bodring tilim-tilim, salat bargi 
yirikroq qilib to‘g‘raladi. Tilim-tilim kesilgan parranda go‘shti, kartoshka, bodring, 
tuz, mayonez va «Yujniy» sardaklari aralashtiriladi. Likobcha yoki salat idishiga 
salat bargi terilib, ustiga salat uyub solinadi, atrofi yupqa kesilgan parranda go‘shti, 
pallacha kesilgan pishgan tuxum, qisqichbaqa bo‘yni yoki krivetka, bodring, 
ko‘katlar bilan bezaladi. Salat smetanali mayonez yoki oq sardak bilan tayyorlansa 
ham bo‘ladi. 
Baliq salati.
Pishirilgan kartoshka, yangi yog‘i sho‘r bodring tilim-tilim yoki 
kubik shaklida to‘g‘ralib, ishlovdan o‘tgan ko‘k no‘xat bilan birga mayonez, 
«Yujniy» sardagi aralashtirib tayyorlanadi. Pishirib yupqa kesilgan baliq 
bo‘laklarini ham qo‘shsa bo‘ladi. Likobcha yoki salat idishiga salat bargi yoyilib, 
ustiga uyub salat solinadi, atrofi baliq, bodring, pomidor, ko‘kat bilan bezaladi. Bu 
salatni laganda tarqatsa ham bo‘ladi. Buning uchun lagan o‘rtasiga uyub salat 
solinadi. Atrofi sabzavotlar bilan bezaladi va salat sardagi quyiladi. Undan qolgan 
mahsulot kesilib, to‘p-to‘p qo‘yilib bezab tarqatilishi ham mumkin. Krablardan va 
treska jigaridan ham xuddi shu usulda salatlar tayyorlanishi mumkin.