Болалар ёшида учрайдиган тиш каттик

ITA gipoplastik turining 6 xil klinik ko`rinishi mavjud: 
1
. 
Autosom-dominant chuqurcha-egatchali irsiy tugallanmagan amelogenez. 
Klinik belgilari: tish toj qismining ko`pchilik xollarda vestibulyar va lunj 
yuzalarida o`rtacha o`lchamli chuqurchalar va egatchalar mavjudliga aniqlanadi. 
Til va tanglay yuzalarda bu nuqsonlar birmuncha kamchilikni tashkil qilishadi va 
ma’lum bir tartibga ega bo`lmasdan xaotik tarzda joylashadi. Ba’zan chuqurchalar 
ma’lum yo`nalishda ustunchalar tizimi shaklida ko`rinadi. Egatchalar xam 
uzunasiga yo`nalgan bo`lib, tishning kesuvchi yoki chaynov qirrasidan bo`yin 
qismi tomon tish o`qi bo`ylab yo`nalgan bo`ladi. Chuqurchalar va egatchalardan 
xosil bo`lgan chiziqlar goxida tish kesuvchi qirrasidan boshlanib, ekvatorga intilib 
tugaydi. Goxida ekvatordan boshlanib tish bo`yin qismi soxasiga intilib tugaydi. 
Ba’zan esa bo`yin qismidan boshlanib ekvator tomon yo`nalgan bo`ladi. Tishlar 
kesuvchi qirrasidan boshlangan nuqsonlar shu soxalarda emalning yupqalashishini, 
yorilib ajralishini yuzaga keltiradi. Shu soxalarda emal yupqalashib, ovqat 
maxsulotlari pigmenti xisobiga rangi o`zgaradi. Mazkur pigmetlar chuqur singib 
kirmaydi va mexanik usulda yengil tozalanadi. Nuqsonlar bo`lmagan soxalarda 
emal o`zining odatiy tusiga, rangiga yaltiroqligiga ega, yuzasi silliq, tekis. Sut va 
doimiy tishlar kasallikka bir xil tortiladi.
 
2. Autosom-dominant
maxalliy gipoplastik ITA.
Klinik belgilari: 
Tishlar toj qismining vestibulyar va lunj yuzalarida yakka-
dukkam yirik oval shaklidagi chuqurchalar va egatchalar mavjud bo`ladi. 
Chuqurchalar va egatchalar vertikal yo`nalishda bo`lib, simmetrik joylashuvi 
aniqlanmaydi. Bir xil nomli tishlar satxida mazkur nuqsonlar xar xil chuqurlikda 
bo`lib, ularning tubi va devorlari tekis, emal silliq, qattiq, yaltiroq, qavati faqat 
chuqurroq soxalarda yupqalashgan bo`ladi. Yupqalashgan emal soxalarida emal 
rangi o`zgargan bo`lib, och-sariq yoki och-jigarrang tus oladi. Emal rangining 
to`qroq yoki ochroq bo`lishi nuqsonlar chuqurligiga va bolaning yoshiga bog`liq 
bo`ladi. Bolaning yoshi qanchalik katta bo`lsa, nuqsonlar chuqurroq bo`lsa emal 
to`qimasining va ochilib qolgan dentin to`qimasining rangi shunchalaik to`qroq 
bo`yaladi. Jaroxatlangan sut va doimiy tishlarning soni xar xil bo`lishi mumkin.