Баҳтли оила 1 Кириш

Ҳазрати Фотиманинг (р.а.) талабгорлари
Ҳазрати Фотимани (р.а.) аввал Ҳазрати Абу Бакр (р.а.) сўрадилар. Ҳазрати 
Пайғамбаримиз (с.а.в.) унга:
- Эй Абу Бакр! Мен у ҳақда келадиган илоҳий ҳукмни кутяпман" - дедилар. Ҳазрати 
Абу Бакр буни Ҳазрати Умарга айтдилар. Умар (р.а.):
- Эй Абу Бакр, сизни рад этибдилар, - дейишди. Ҳазрати Абу Бакр:
- Фотимани сен ҳам сўра, деганларидан сўнг Ҳазрати Умар бориб сўрагач, 
Пайғамбаримиз унга ҳам Абу Бакрга айтган гапларини айтдилар.
Ҳазрати Алининг қариндошлари "Фотимани Расулуллоҳдан сен ҳам сўра", - дедилар. 
Ҳазрати Али:
- Абу Бакр ва Умар қайтарилгандан кейин менга йўл бўлсин. Мен ҳам рад 
қилинишдан қўрқяпман, - деб жавоб қайтардилар.
Бироқ қариндошлар унинг Пайғамбарга яқинлигини айтиб кўндирдилар. Бу ҳақда 
Ҳазрати Али (р.а.) шундай ҳикоя қилганлар:
58

---

Озод бўлган қулим Фотимага совчи юборганини биласанми? - деб сўради. Мен 
билмайман, - дедим. Кейин:
- Расулуллоҳнинг ёнига бориб, Фотимани сўрашингга нима тўсиқ бўляпти? - деди.
- Унга уйлана оладиган бирор нарсага эга эмасман, - дедим.
- Расулуллоҳнинг ёнларига борсанг, Фотимани сенга албатта никоҳлаб берадилар, 
деди. Ниҳоят Ҳазрати Пайғамбаримиз (с.а.в.)нинг ҳузурларига бордим. У зот ҳайбатли 
ва виқорли эдилар. Олдиларига ўтирдим. Жим бўлиб қолдим. Гапира олмадим. 
Расулуллоҳ:
- "Нимага келдинг, бир нарсага эҳтиёжинг борми? Менимча Фотимани сўраб 
келдинг" деганларидан сўнг:
- Ҳа, - дея олдим.
Ҳазрати Пайғамбаримиз (с.а.в.) Ҳазрати Алини истагини Фотимага айтдилар. У ҳам 
гапирмади.
Ҳазрати Фотиманинг маҳрлари
Расулуллоҳ Алидан сўрадилар:
- Фотиманинг маҳрига берадиган ниманг бор? Али:
- Ҳеч нарсам йўқ, - дедилар. Расулуллоҳ:
- Сенга берганим зирҳли кўйлак қаерда? - дедилар.
Али "ёнимда" дедилар. Ҳазрати Пайғамбаримиз (с.а.в.):
"Уни Фотимага маҳр сифатида бер" дедилар. Бу кичик зирҳли кўйлак бўлиб, эни 
ясси ва оғир эди. Уни зирҳчи Хутомий тикканди. Бошқа ривоятда Ҳазрати Али оти ҳам 
бор эканлигини айтган. Ҳазрати Пайғамбаримиз (с.а.в.):
- "Отинг ўзингга керак, фақат зирҳингни сот" - дедилар. Ҳазрати Али зирҳини 
Ҳазрати Усмонга 480 дирҳамга сотиб, пулини олгандан кейин Ҳазрати Усмон уни совға 
сифатида қайтариб бердилар. Расулуллоҳ (с.а.в.) Ҳазрати Усмоннинг бу иши учун дуо 
қилдилар.
59

---