Баҳтли оила 1 Кириш

Тўй табриги
Келин-куёвни оила қурганликлари билан табриклаш ҳам диний, ҳам инсоний бурч 
ҳисобланади. Турмуш қуриш табриклашга лойиқ бўлган ишлардан биридир.
Исломда ҳамма нарса каби тўй табригининг ҳам меъёри, шаклу шамойили бор. 
Жоҳилият даврида араблар янги уйланган кишига, "бахтли яша, бола-чақанг кўп 
бўлсин" дейишарди. Ҳазрати Пайғамбар (с.а.в.) эса янги уйланган кимсани шундай 
табриклардилар:
- Бу никоҳни Аллоҳ сиз учун муборак этсин, устингизга раҳмат ёғдирсин, 
оилангизни хайрли оилалардан қилсин.
Намунали оила
Ҳазрати Али (р.а.) Биби Фотиманинг турмуш қуришлари
Ҳазрати Фотима (р.а.) Пайғамбар (с.а.в.)нинг энг кичик қизлари эдилар. Пайғамбар 
(с.а.в.) уларни жуда севардилар. Ҳазрати Пайғамбар (с.а.в.)нинг муборак насабларини 
давом эттириш бахтига айнан Фотима онамиз (р.а.) мушарраф бўлганлар. 
Расулуллоҳдан олти ой кейин вафот қилдилар. Йигирма тўққиз, ўттиз ёки ўттиз бир 
ёшларида вафот этганига доир ривоятлар бор.
Расулуллоҳ бирор ғазо ёки сафардан қайтганларида аввало масжидга кириб икки 
ракат намоз ўқиб, сўнгра Ҳазрати Фотиманинг ёнига борар, ундан кейин аёлларининг 
ҳузурларига ўтишар эдилар.
Ибн Аббос шундай ривоят қиладилар:
- Расулуллоҳ (с.а.в.) ерга тўрт чизиқ чизиб, буларни нимага чиздим, биласизларми? - 
деб сўрадилар. Саҳобалар:
- Йўқ билмаймиз, Аллоҳ ва Унинг Расули яхши билади, -дедилар.
57

---

Расулуллоҳ (с.а.в.):
- Жаннатий аёлларнинг энг устунлари тўрттадир. Булар Ҳувайлид қизи Хадича, 
Муҳаммад (с.а.в.) қизи Фотима, Имрон қизи Марям ва Музоҳим қизи Осия 
(Фиръавннинг аёли) - дедилар.
Ҳазрати Фотиманинг юришлари, гапиришлари ва ўғиллари Ҳазрати Ҳасан ҳам 
Пайғамбаримизга жуда ўхшар эдилар. Бу ўхшашлик туфайли кўпгина аёллар Ҳазрати 
Ҳасанга талабгор бўлганлар.
Ҳазрати Ойша (р.а.) "Мен Фотимадай сўзи Расулуллоҳга ўхшайдиган бошқа кишини 
кўрмадим" деганлар. Фотима (р.а.) уйга кирган пайтларида Расулуллоҳ (с.а.в.) 
ўринларидан турар, хуш келдинг деб уни қаршилаб, салом берар ва ўпардилар.
Турмуш қурган вақтлари:
Ҳазрати Фотима (р.а.) ҳижратдан беш ой кейин Ҳазрати 
Алига (р.а.) никоҳландилар. Ҳижратнинг иккинчи йилида Бадр жангидан кейин тўй 
бўлди. Уҳуддан кейин бўлганлиги ҳақида ҳам ривоятлар бор. Бу пайтда ўн беш ёшда 
эдилар.