Баҳтли оила 1 Кириш

Суннатга мос тўй
Маълумки, никоҳ тўйлар турли жамиятларда турлича қилинган. Буларнинг бир хил 
хусусияти эса эълон, икром ва маишатдир. Янги оила жамиятга эълон қилинмоқда, 
турмуш қурганлар танитилмоқда, шу тариқа соғлом авлодни юзага келиши 
таъминланмоқда.
Никоҳни эълон қилиш.
Сўзда ва амалда никоҳни ташвиқ қилган Ҳазрати Пайғамбар 
(с.а.в.) тўй қилиб, чолғу чалишни тавсия этганлар. Расулуллоҳ (с.а.в.)нинг бу борадаги 
баъзи гапларини келтириб ўтсак:
"Никоҳ жинсий муносабатда ҳалол ва ҳаромни бир-биридан айирадиган ишдир". 
Зино айб бўлгани учун яширин, никоҳ шаръий ва мақбул бўлгани учун ошкор қилади.
"Тўйни эълон қилинглар ҳамда никоҳни масжидларда ўқинглар. Унинг учун даф 
(дўмбира) чалинглар. Ҳеч бўлмаса, бир қўй билан тўй қилинг. Уйланаётган киши 
сочини қорага бўяган бўлса, буни аёлга билдирсин. Уни алдамасин".
Бу ҳадиси шарифга кўра, никоҳни даф (дўмбира) билан эълон қилиш ва масжидда 
никоҳ ўқиш суннатдир. Масжидда ўқилиши никоҳнинг ибодат эканлигидан далолат 
бермоқда.
Тўйда маишат.
"Азада йиғлайдилар, тўйда ўйнайдилар", - деган нақл бор.
Тўйларда хурсанд бўлиш табиий бир ҳолдир.
Ҳазрати Ойша онамиз (р.а.) ансорлардан бир яқинининг тўйига борадилар. Уйга 
келганларида Ҳазрати Пайғамбар (с.а.в.) сўрадилар:
- Келин-куёвни ичкарига юбордингизми?
- Ҳа.
- Келин билан бирга даф чалиб, қўшиқ айтадиган канизаклар ҳам юбордингизми?
- Йўқ.
- Ансорларнинг кўп ғазаллари бор. Улар хурсандчиликни ҳам жуда яхши кўришади. 
Кошки мана буларни тараннум этадиган кимсалар ҳам борганда эди:
Сизга келдик, сизга келдик,
Сизга салом, бизга салом.
49

---

Бўлмаганда қизил олтинлар,
Кўринмасди ой юзлар.
Сиёҳ буғдойлар бўлмасайди
Семирмасди вужудлар.
Ҳазрати Пайғамбар (с.а.в.) бу сўзлари билан тўйнинг камчилигига ишорат 
қилмоқдалар. Бир ашура куни Мадинада ёш қизларнинг чалиб қўшиқ айтаётганларини 
кўрган Холид ибн Зақвон ал-Маданий бу ҳақда Муаввиз қизи Рубаййидан сўрайди. 
Рубаййи:
- Тўйим куни эрталаб Расулуллоҳ келдилар. Каравотимга ўтирдилар. Ёнимда Бадр 
жангида ҳалок бўлган аждодларим билан боғлиқ қўшиқ айтиб ўтирган иккита канизак 
бор эди. Қўшиқни бир ерида:
- "Орамизда эртага нима бўлишини биладиган бир пайғамбар бор" деганида, 
Расулуллоҳ (с.а.в.):
- Ундай деманглар. Эртага нима бўлишини Аллоҳдан бошқа ҳеч 
ким билмайди. Қўшиғингизда давом этинг, дедилар. Холид ибн Зақвон шу тариқа 
даф чалиш жоиз эканлигини билдилар.