Узбекистон Республикаси Ташки Ишлар Вазирлиги

causa servitutis perpetua esse
debet
. Сервитутлар доимийлиги объектив ёки субъектив ҳолда бўлган: 
объектив доимийлик сервитут титуляри (эгаси) ўз ерининг иқтисодий 
аҳволини яхшилаш мақсадида ўзгалар ашёсидан фойдаланиш 
заруратининг доимийлигида ифодаланган; субъектив доимийлик
титуляр (сервитут эгаси) ҳаётининг давомийлиги билан ўлчанган. 
2)
Сервитут асосини ташкил қилган ашё эгасининг пассивлиги –
servitutus in faciendo consistere nequit – бу қоида ашё эгаси сервитут 
титуляри учун фаол хатти-ҳаракатларни амалга оширишга, яъни 
сервитут титулярининг мақсад ва манфаатларини амалга оширишда 
иштирок этишга мажбур эмас. Бу ҳолатга кўра, сервитут мазмуни
pati ва non facereдан иборат бўлган, яъни сервитут асосини ташкил 
қилган ашё эгаси бир қатор ҳуқуқлардан маҳрум бўлган. Бу маҳрум 
бўлиш 2 кўринишга эга бўлган, яъни: ашё эгаси сервитут 
титулярининг мулкига ижобий таъсир кўрсатади (pati, яъни ашё 
эгасининг хайрихоҳлиги) ва сервитут титуляри фойдасига ўз
мулкидан фойдаланишдан воз кечиш (non facere, яъни ашё эгасининг 

---

137 
ҳаракатсизлиги). Бу қоидадан ягона истисно servitus oneris ferendi
бўлиб, бу сервитут бўйича уй эгаси қўшниси унинг деворига таянган
қурилмасини яхшилаш учун қилган таъмирлаш ишларини қилиши 
мумкин бўлган.
Сервитутлар мулк ҳуқуқининг одатдаги мазмуни қоидасидан истисно 
бўлганлиги сабабли улар Рим ҳуқуқи нормаларига биноан тўғри талқин
қилиниши шарт бўлган. Бу мақсадда қуйидаги қоидалар ўрнатилди:
«servitutibus civivliter uti debemus» – сервитутлар мазмуни муайян 
ҳажмда ўзининг ўрнатилиш мақсади доирасини ўз ичига олган; «servitus
servitutis esse non debet» – сервитут ҳуқуқининг титулярлари ўз 
сервитутларини учинчи шахсларга сервитут тариқасида беришлари 
тақиқланган. Бошқача қилиб айтганда, сервитутлар ягона ва 
бўлинмайдиган ҳуқуқлардир.