Мавзу: Ҳомиладорлик охирги муддатларида қиндан қон кетиш

 
4. Машгулот мазмуни 
4.1. Назарий кисм
Йўлдошнинг олдинда жойлашиши ва НЖЙБК қон кетиш билан боради. НЖЙБК 30-50% 
перинатал ўлимга олиб келади. НЖЙБК — бу йўлдошни ҳомила туғилгунича кўчиши – 
ҳомиладорлик даврида, туғруқнинг биринчи ёки иккинчи даврида. 1/120 туғруқларда 
учрайди (1.5% ҳолатларда). 30% ҳолатларда НЖЙБК массив қон кетиш ва геморрагик 
шок, ДВС-синдром сабаби ҳисобланади. 
Ҳавф гуруҳлари: 
1) ҳомиладорлик давридаги гипертензив ўзгаришлар; 
2) 
юқумли касалликлар, интоксикация, авитаминозлар (айниқса витамин С 
етишмаслиги); 
3) соматик касалликлар (қандли диабет, буйрак, юрак касалликлари, ҳафақонлик); 
4) травмалар, туғруқ даврининг бошланиши, калта киндик, сувнинг кўп бўлиши, тез 
туғиш, ҳомила қобиғининг кеч йиртилиши, ҳомила пуфагининг ясси шакли (тахминий 
омиллар). 
Ҳосил бўлиш механизми. Йўлдош бачадон деворида децидуал қобиқ боғлари ва бачадон 
ичидаги босим ҳисобига ушланиб туради. Артериал босим меёрида бўлганда 
ворсинкалар аро босим амниотик бўшлиқдаги босимдан паст бўлади, бачадон-йўлдош 
қон айланишини меёрда таъминлаб туради ва йўлдошни барвақт кўчишидан сақлайди. 
Бунга йўлдош бириккан соҳадаги бачадон терминал артерияларининг тузилиши имкон 

---

6 
беради — уларнинг кенглиги синусларга тушиш жойида кескин камаяди, веноз шохлари 
эса кенг бўлиб қолади ва уларда клапан аппарати бўлиб, қоннинг қайта оқишига 
тўсқинлик қилади. Патологик ҳолатларда ворсинкалар аро бўшлиқда фибрин тўпланади, 
ворсинка ва томирлар инфицирланади, артерияларда яллиғланиш ва тромб ҳосил бўлиш 
ривожланади – артериялар мўрт бўлиб, оз механик таъсир, босим ўзгаришларида ҳам 
ёрилади. Базал гематомалар ҳосил бўлиб, катта ўлчамларга эга бўлади, базал 
пластинкаларни бузади, ворсинкалар аро бўшлиқга ёрилади, натижада йўлдошни 
кўчишига олиб келади. 
Ташхис.
Асосий белгилар бўлиб ҳисобланади: 
1) жинсий йўллардан қон кетиш; 
2) оғриқ синдроми: турли жадалликдаги оғриқ, тутқаноқли ёки доимий. Пальпацияда 
бачадонда локал оғриқ, гипертонус аниқланади, ҳомила қисмларини пальпация қилиб 
бўлмайди. Оғриқ бирдан пайдо бўлади. Оғриқ синдроми ретроплацентар гематома 150 
мл ва ундан ортиқ бўлганда пайдо бўлади. 
Бачадоннинг ассимметрияси, қориннинг шиши кузатилади; 
3) юрак уриши тезлашади, артериал босим пасаяди, ҳолсизлик, ранг оқаради; 
4) Дистресс синдроми. 
Оғирлик даражаси бўйича НЖЙБК таснифи мавжуд: енгил, ўрта оғирликдаги, оғир. 
Енгил даражаси йўлдошни кўрикдан ўтказгандан сўнг ретроспектив қўйилади: йўлдош 
юзасида фасеткали лахталарни топиш мумкин.