Текст проекта 24247-(24247)

project.gov.uz
11.11.2020
25
§ 5. Етказиш манзилидаги темир йўл станциясида
юкхатини тўлдириш тартиби
67. Етказиш манзилидаги темир йўл станцияси юкхатининг қўйидаги графаларини тўлдиради:
а) юкхатининг тегишли сатрларида етказиш манзилидаги темир йўл станциясида юкхати бўйича
ундириладиган тўловлар кўрсатилади;
б) “Топширишда ундирилди” графасида якуний ҳисоб–китоблар
бўйича ундирилган сумма ёзма равишда кўрсатилади. Ундирилган сумма темир йўл станцияси
ваколатли ходимининг имзоси билан тасдиқланади, юкхатининг орқасида ўнг томондаги пастки
бурчагида (9–графа) юк топширилганини расмийлаштириш вақти тўғрисида темир йўл
станциянинг календарь штемпели қўйилади;
в) “Темир йўл (инфратузилма эгаси, ташувчи) воситалари ёрдамида юкни тушириш” графасида
юкхатининг орқа томонида (8–графа) юк туширилган вақт тўғрисида етказиш манзилидаги темир
йўл станциянинг календарь штемпели қўйилади;
г) “Юкни олиб кетиш” графасида темир йўл станциясининг ваколатли ходими томонидан юкни
умумий фойдаланиш жойларидан олиб кетиш тўғрисида белги қўйилади. Юк қисмларга бўлиб
олиб кетилса, ҳар бир олиб кетилаётган юк миқдори тўғрисидаги маълумотлар алоҳида
кўрсатилади. Рухсатнома бўйича юкни олиб кетиш тартиби ўрнатилган темир йўл станциялари
ёки инфратузилма эгасининг (ташувчининг) бўлинмаларида “Юкни олиб кетиш” сўзларидан сўнг
“____–сон рухсатнома” деб кўрсатилади;
д) “Темир йўл (инфратузилма эгаси, ташувчи) белгилари” графасида – келган юк бошқа манзилга
ўзгартирилганда, мазкур Қоидаларнинг 62–бандида назарда тутилган белгилар қўйилади.
е) “Юкни топшириш тўғрисидаги белгилар” графасида ушбу Қоидаларнинг
9–бобида кўзда тутилган ҳолда юкларни юкни олувчига топшириш ҳақида белгилар қўйилади.
68. Юкни олувчи томонидан якуний ҳисоб-китоблар бўйича тўловлар амалга оширилиб, йўл
қайдномасига юкни олганлиги тўғрисида имзо қўйилганидан сўнг юкхати юкни олувчига
топширилади.
69. Ташиш тўловларини ва ташиш билан боғлиқ бўлган операциялар ҳақини аниқлаш ҳамда
ташувларнинг алоҳида шартларини бажариш учун зарур бўлган белгилар юкхатига юк жўнатувчи,
жўнатиш ва етказиш манзилидаги темир йўл станциялари томонидан ва йўл давомида Тариф
қўлланмаси ва ушбу Қоидаларига асосан киритилади.