Мавзу: Бактериологик, вирусологик ва иммунологик лабораторияларнинг тузилиши ва жихозланиши

Суртма тайёрлаб кўриш этаплари 
1. Суртма тайёрлаш. 
2. Қуритиш 
3. Фиксация (қотириш) қилиш 
4. Бўяш 
5. Микроскопда кўриш. 
Иш тартиби. Суртма тайёрлаш учун буюм ойнаси ёғсизлантирилади ( спиртовка 
алангасида), микроб култураси қовузлоқ билан олиниб ( микроб култураси агарда ўсган 
бўлса стерил физиологик эритма билан) буюм ойнасига суртма тайёрланади. Суртма юпқа 
10 сўмли тангадай бўлиши керак. Материал айнан шундай тақсимлангандагина якка-якка 
жойлашган бактериал ҳужайраларни кўриш мумкин. Агар текширилаётган материал суюқ 
муҳитда бўлса, у ҳолда уни қовузлоқ билан тўғридан-тўғри буюм ойнасига томизилади ва 
суртма тайёрланади 
Қуритиш- суртмалар ҳавода ёки илиқ ҳаво оқимида горелка алангаси устида 
қуритилади. 
Фиксация қилиш- суртмани қотириш учун буюм ойнаси (суртмани юқорига қаратган 
ҳолда) 3 марта аста-секин (3 секунд давомида) горелка алангасидан ўтказилади. Айрим 
ҳолларда қон суртмаси, аъзо ва тўқималар суртма тамғалари, микроорганизм 
культураларидан тайёрланган суртмалар 5—20 мин метил ёки этил спирти, Никифоров 
аралашмаси, сулемали спирт ёки бошқа фиксация қиладиган суюқликларга солинади ва 
фиксация қилинади. Микроорганизмлар фиксация қилинаётганда ойна юзасига қаттиқ 
бириккан ҳолда ўлади ва кейинги ишловларда ювилиб кетмайди. 
Фиксациядан мақсад- микроорганизмлар фиксация қилинаётганда ойна 
юзасига қаттиқ бириккан ҳолда ўлдирилади, зарарсизланади ва кейинги 
ишловларда ювилиб кетмайди ва ўлган бактериялар яхши бўялади. 

---

11 
Фиксацияда рўй берувчи хатоликлар. Агар буюм ойнасини юқорида 
кўрсатилгандан кўпроқ қиздирилса, ҳужайраларнинг тузилиши кескин 
ўзгариб кетади. 
Суртмани бўяшда 2 хил оддий ва мураккаб усуллардан фойдаланилади. 
Оддий усулда фақат битта бўёқ қўлланилади, мураккаб бўяшда эса бир неча 
бўёқлар қўлланилиши мумкин.
Оддий усул. Фиксацияланган суртма биргина бўёқ билан бўялади, масалан, 
фуксиннинг сувли аритмаси (1—2 мин) ёки метилен кўкининг эритмаси билан (3—5 мин) 
бўялади, сўнг сув билан ювилади, қуритилади ва микроскоп остида иммерсион системада 
кўрилади.