Pandemiya sharoitida koronavirus infeksiyasi va uning tarqalishiga qarshi

 
I. BITIRUV OLDI MALAKAVIY AMALIYOTINING 
MAQSADI VA VAZIFALARI 
 
5230600- "Moliya" yo'nalishi bo'yicha tahsil olayotgan talabalarning bitiruv oldi
malakaviy amaliyotining maqsadi o'quv fanlarini o'rganish jarayonida olingan nazariy 
bilimlarni kengaytirish, amaliy ko'nikmalarni egallash, kasbiy kompetentsiyani 
shakllantirish, talabalarni mustaqil mashg'ulotlarga tayyorlashdir. Kasbiy faoliyat, 
yakuniy malakaviy ishlarni tayyorlash uchun zarur bo'lgan amaliy ma'lumotlarni to'plash 
va tizimlashtirishdan iborat. 
5230600- "Moliya" yo'nalishi davlat ta'lim standarti, o'quv rejasi va ish rejasiga 
muvofiq, bitiruv oldi malakaviy amaliyoti VII o'quv semestrini tugatgandan so'ng 4-
kursda 13 hafta davomida o'tkaziladi. 
Bitiruv oldi malakaviy amaliyot davomida talabalar tomonidan quyidagi vazifalarni 
hal etish belgilanadi:
- olingan nazariy bilimlardan tashqari tegishli ko'nikma va malakalarni egallash, 
tanlangan faoliyat sohasida kasbiy kompetentsiyani shakllantirish; 
- tanlangan faoliyat sohasida korxona, tashkilot va muassasalarda ishlash bo‘yicha 
amaliy ko'nikma va malakalarni shakllantirish; 
- amaliyot davomida kerakli statistik va amaliy materiallarni to'plash, ularni 
umumlashtirish va tizimlashtirish; 
- bitiruv oldi malakaviy amaliyot natijalari bo'yicha moliyaviy-iqtisodiy 
ko'rsatkichlarni tahlil qilish, uning natijalari bo'yicha xulosalar yozish; 
- bitiruv oldi malakaviy amaliyot natijalari bo'yicha hisobot tayyorlash, uni o'tash 
paytida to'plangan materiallar mazmunini tavsiflash; 
- kerakli statistik va amaliy ma'lumotlarni yig'ish va tahlil qilish; 
- xorijiy mamlakatlar amaliyotini va dunyoning rivojlangan mamlakatlarining ijobiy 
tajribasini O'zbekiston Respublikasi sharoitida qo'llash istiqbollarini o'rganish. 
Amaliyot davrida talabalar nafaqat bitiruv oldi malakaviy amaliyotini o'tayotgan 
korxonalar, tashkilotlar va muassasalar faoliyatining asoslarini o'rganibgina qolmay, 
balki jamiyat hayotida va obyektning jamoat ishlarida faol ishtirok etishlari kerak. 
Bitiruv oldi malakaviy amaliyot quyidagi obyektlarda tashkil etilishi ko‘zda tutiladi. 
- O'zbekiston Respublikasi Moliya vazirligi va uning hududiy bo'linmalari; 
- byudjet tashkilotlari va muassasalari; 
- soliq va bojxona organlari; 
- sug'urta tashkilotlari; 
- tijorat banklari; 
- mulkchilik shaklidan qat'iy nazar, barcha turdagi yirik korxona va tashkilotlar
. 
Mazkur bitiruv oldi malakaviy amaliyot dasturi turli mulkchilik shaklidagi yirik 
korxona va tashkilotlarda amaliyot talabalar uchun mo'ljallangan. 
Bitiruv oldi malakaviy amaliyot davomida talabalar bitiruv oldi amaliyot 
natijalariga asoslangan statistik va amaliy ma'lumotlarni to'plashlari, tizimlashtirishlari va 
tahlil qilishlari, hisobot tayyorlashlari va himoya qilishlari kerak. 

---

5