Pandemiya sharoitida koronavirus infeksiyasi va uning tarqalishiga qarshi

---

1 

---

2 

---

3 
KIRISH 
 
Pandemiya sharoitida koronavirus infeksiyasi va uning tarqalishiga qarshi 
kurashish maqsadida iqtisodiyot va ijtimoiy sohani rivojlantirishda, shu jumladan, 
makroiqtisodiy barqarorlikni, O'zbekiston Respublikasi davlat byudjetining 
barqarorligini ta'minlash, aholini ijtimoiy himoya qilishni kuchaytirish, ustuvor 
davlat dasturlarining so'zsiz bajarilishini, iqtisodiyot tarmoqlari va sohalarining 
uzluksiz ishlashini ta'minlash, ayrim xo'jalik yurituvchi subyektlarni qo'llab-
quvvatlash, tashqi iqtisodiy faoliyatni rag'batlantirishda moliyaviy tizimning 
ahamiyati ortib bormoqda. Shu bilan birga, oliy ta'lim tizimi oldida malakali 
kadrlar tayyorlash, jumladan, bo'lajak mutaxassislar tomonidan amaliy ko'nikma va 
turli statistik ma'lumotlarni umumlashtirish va tahlil qilish qobiliyatiga ega bo'lish 
borasida yangi talablar qo'yilmoqda. Talabalar o'quv fanlarining mazmunini 
o'zlashtirishlari, ma'ruza va amaliy mashg'ulotlar davomida ham, amaliyotni o'tish 
davrida ham tegishli bilim, ko'nikma va tasavvurlarga ega bo'lishlari kerak.
Zamon talablariga javob bera oladigan mutaxassis kadrlarni tayyorlash, 
Davlat ta’lim standartlari asosida ta’lim va uning barcha tarkibiy tuzilmalarini 
takomillashtirib borish oldimizda turgan dolzarb masalalardan biridir. Shu boisdan 
fanlar bo‘yicha bilimlar majmuasini o‘zlashtirish, nazariy va amaliy mashg‘ulotlar 
uzviyligida malaka hamda ko‘nikmalarni mukammal shakllantirishda bitiruv oldi 
malakaviy amaliyotining o‘rni beqiyos.
Bitiruv oldi malakaviy amaliyotining maqsadi 5230600 - “Moliya” ta’lim
yo‘nalishi talabalarini o‘zlashtirgan nazariy bilimlarini chuqurlashtirish va 
mustahkamlash, bevosita ta’lim standartlari talablariga muvofiq mustaqil ishlashga 
tayyorlash, sohada mustaqil faoliyat ko‘rsata olish qobiliyatini shakllamntirishdan 
iborat.
Ushbu dastur 5230600 - “Moliya” ta’lim yo‘nalishi talabalarining bitiruv 
oldi malakaviy amaliyotini to‘g‘ri tashkil qilish, bo‘lajak mutaxassislarni moliya 
tizimida samarali faoliyat yuritishlari uchun tayyorlashning eng muhim 
shartlaridan biri hisoblanadi. 
Bitiruv oldi malakaviy amaliyot dasturi 5230600-"Moliya" ta’lim yo'nalishi 
talabalari uchun amaliyot jarayonini metodik ta'minlash, amaliyot samaradorligini 
oshirish, ko'nikmalarga ega bo'lish, amaliy ma'lumotlarni tahlil qilish asosida 
bitiruv malakaviy ishlarini sifatli tayyorlashni ta'minlash maqsadida tayyorlandi.
Mazkur dastur O'zbekiston Respublikasining 2020-yil 23-sentyabrdagi O’RQ-
637-sonli “Ta'lim to'g'risida”gi Qonuniga, 2019-yil 8-oktyabrdagi PF-5847-son 
“O'zbekiston Respublikasi oliy ta'lim tizimini 2030 yilgacha rivojlantirish 
konsepsiyasini tasdiqlash to'g'risida”gi, 2017-yil 27-iyuldagi PQ-3151-sonli “Oliy 
ma'lumotli mutaxassislar tayyorlash sifatini oshirishda iqtisodiyot tarmoqlari va 
sohalarining ishtirokini yanada kengaytirish chora-tadbirlari to'g'risida”gi, 
O'zbekiston Respublikasi Oliy va o'rta maxsus ta'lim vazirining 1998 yil 30 
oktyabrdagi 305-son buyrug'i bilan tasdiqlangan O'zbekiston Respublikasi “Oliy 
ta'lim muassasalari talabalarining malaka amaliyot to'g'risida”gi Nizom talablariga 
mos ravishda ishlab chiqilgan.

---

4 
Dasturda qabul qilingan amaliyotning umumiy qoidalari, maqsadlari va 
vazifalari, institutdan va amaliyot joyidan tayinlangan amaliyot rahbarining huquq 
va majburiyatlari, amaliyoti bo'yicha hisobotni qabul qilish rasmiylashtirish va 
himoya qilish tartibi bayon etilgan.