Qarshi muhandislik iqtisodiyot instituti neft va gaz fakulteti «neft va gaz olishning texnologiyasi va texnikasi»

6.5. Neftni ishqorlar yordamida siqib chiqarish. 
 
Neftni  ishqorli  eritma  bilan  siqib  chiqarish  jarayonida  ishqorli  eritma 
kollektor g‗ovaklaridagi neft plyonkalari bilan o‗zaro ta‘sirga kirishganligi natijasida 
qatlamda  yuqori  dispers  eritma  hosil  bo‗ladi.  Gazdan  holi  bo‗lgan  qatlam  neftiga 
ishqorli  eritma  ta‘sir  qilganda  ishqor-neft  orasidagi  sirt  tarangligi  anchagina 
kamayadi. Chunonchi, NaON ning 0,01-0,1% eritmasi bilan qatlamga ta‘sir qilganda 
uning  neft  beruvchanligi  ancha  ortishi  kuzatiladi.  Eritmaning  konsentratsiyasi 
oshirilganda  undan  olingan  samara  deyarli  sezilarsiz  bo‗lgan  edi.  Ishqor  bilan  neft 
orasidagi sirt tortishuvning keskin kamayishi neft tomchilarining g‗ovaklar orasidan 
harakatini  osonlashtiradi.  Shuning  natijasida  qatlamning  haydalayotgan  suv  bilan 
qamrab olish darajasi ortadi. Shunday qilib, ishqorli suv haydash jarayonida qatlamda 
yuqori  dispersli  emulsiya  vali  hosil  qilinib,  natijada  neft  beraolishlikning  ortishiga 
olib keladi. 
Yana shuni e‘tirof etish lozimki, o‗tkir natriy ishqorga ko‗rsatilgan samaradan 
tashqari  kollektorning  va  unga  shimilgan  suyuqlikning  xossalarini  yaxshilashga 
yordam  beradi,  chunki  u  o‗zaro  munosabat  natijasida  hosil  bo‗lgan  ortiqcha 
moddalarni  o‗zida  eritish  xususiyatyaga  egadir.  Ishqorli  suv  haydash  jarayonida 
suyuqlikning  ho‗llash  darajasi  (yuvuvchanlik  darajasi)  ortishi  hisobiga  yuqori  neft 
beraolishlikka  erishiladi.  Ko‗pchilik  kimyoviy  reagentlar,  shu  jumladan  ishqor  ham 
qatlamdagi  gidrofob  sharoitga  tushgandan  so‗ng  uni  gidrofil  sharoitiga  aylantiradi, 
gidrofob  qatlamini  xo‗llanish  darajasini  o‗zgarishi  ishqorli  suv  haydashda  sirt 
taranglik  ko‗rsatgichi  past  bo‗lganligi  tufayli  tog‗  jinslariga  yopishgan  neft 
tomchilarini yuvib chiqarishga yordam beradi.