J. Ataniyazov, E. Alimardonov, F. Hamidova xalqaro moliya bozori tahlili toshkent-2019

Valyuta munosabatlari (Valyutnie otnoshenii, Currency relations) – 
valyutaning jahon oborotidagi harakati natijasida vujudga keladigan pul munosabatidir. 
Valyuta operatsiyalari (Valyutnie operatsii, Currency transactions
) – 
chet el 
valyutalari va valyutaviy qimmatliklarga mulk huquqining almashinishi bilan bog’liq 
operatsiyalarga aytiladi. 
Valyuta rezervlarini diversifikatsiya qilish (Diversifikatsiya valyutnix 
rezervov, Exchange reserve diversification)
– bir vaqtning o’zida bir necha etakchi 
erkin almashinadigan valyutalarda chet el valyuta zahiralarini tashkil qilish. 

---

184 
Valyuta riski (Valyutniy risk, Currency risk)
– valyuta kurslarining o’zgarishi 
natijasida yuzaga keladigan zarar ko’rish xavfi tushuniladi.
 
Valyuta siyosati (Valyutnaya politika, Currency risk) 
– 
bu xalqaro valyuta 
munosabatlari sohasida amalga oshiriladigan tadbirlar yig’indisidir. 
Valyuta tizimi (Valyutnaya sistema, Currency system)
 – 
valyuta munosabatini 
tashkil qilishning davlat huquqi shakli. 
Devalvatsiya (Devalvatsiya, Devaluation)
– bu milliy valyuta kursining chet el 
valyuta kursiga nisbatan rasman qonuniy asosda pasaytirilishi. 
Demping (Demping, Dumping)
– savdo siyosatining moliyaviy metodi bo’lib, 
tovarni tashqi bozorga mamlakatda mavjud normal bahoga qaraganda past baholarda 
eksportga chiqarish. 
Derivativlar (Derivati, derivatives)
– biron-bir moliyaviy dastakning hosilaviy 
shakli hisoblanadi. 
Deflyatsiya (Deflyatsiya, Deflation)
– iqtisodiyotda baholar umumiy darajasining 
pasayishi. 
Diskont stavkasi (Uchetnaya stavka, Discount rate) – 
uchyot stavkasi, 
Markaziy bank tomonidan tijorat banklariga ularning ixtiyoridagi trattalarni qayta 
hisobga olish yo’li bilan beriladigan kreditlarning foiz stavkasidir.