Шөлкемлестириў илажлары

§10. Жумыс толық тамам болғаннан соң электр үскенелерин қосыў.
100. Электр үскенелерин қосыў, жумыс орнын таярлаўға ҳəм иске қосыўға рухсатнама бериўши 
исши ямаса оны алмастырыўшы исши рухсаты алынғаннан соң əмелге асырылады.

---

16
Электр үскенесин иске қосыўға рухсат (бийлик бериў) усы электр үскенелерде жумыс орнын 
таярлаўға ҳəм иске қосыўға рухсатнама алған бəрше жумыс алып барыўшылары ҳəм иске 
қосыўшылардан, жумыстың толық тамам болғанлығы ҳəм үскенелерди иске қосыў мүмкин 
екенлигинен хабар қабыллап алғаннан соң əмелге асырылады.
101. Нəўетши яки тез-ара оңлаў исшилеринен болған исши, жумыс тамам болғаннан соң электр 
үскенени иске қосыўға (бийлик) рухсат алғаннан соң, қосыўдан алдын ўақытша 
қоршаўларды алып, плакат ҳəм жерге жалғағышларды алып, турақлы қоршаўларды 
тиклейди.
102. Тез-ара оңлаў исшилеринен болған иске қосыўшыға электр үскенеде жумыс толық 
та-мамланғаннан соң жумыс орнын таярлаўға ҳəм иске қосыўға ямаса оны алмастырыўшы 
исшиниң рухсатнамасын алмастан электр үскенесин иске қосыў ҳуқықы бериледи.
Бундай қосыўларды əмелге асырыў ҳуқықының берилиўи нарядтың бөлек көрсетпе 
қатарында жазылады ҳəм иске қосыўшыға жумыс орнын таярлаўға хəм иске қосыўға 
рухсатнама берилген ўақытта тастыйықланады. Бундай тастықлаўларды нарядта 
рəсмийлестириў талап етилмейди.
Бундай қосыў ҳуқықы усы электр үскенесинде ҳəм оның бөлимшелерде басқа бригада иске 
қосылмаған жағдайда бериледи.
103. Авариялық жағдайларда нəўбетши исши ямаса иске қосыўшы оңлаўға шығарылған электр 
үскенелерин ямаса электр үскенени жумыс тамам болғанға дейин бригада жоқлығынада иске 
қосыўы мүмкин, сондай шəрт пенен: жумыс алып барыўшы келемен дегенше ямаса олар 
нарядты қайта тапсырылғанша жумыс орнында ескертиўши адамлар қойылып, жумыс алып 
барыўшыға электр үскенеси иске қосылғанын ҳəм жумысты баслаў қадаған етилгенин алдын 
ала ескертилгеннен соң.