Psixologik trening asoslari

 
“Mehr maktubi” trening mashg’ulotining ikkinchi varianti: 
Har doim ham shaxslararo munosabatlardagi buzilishlarni korreksiya 
qilishda ikkinchi tomonni jarayonga jalb etishga sharoit yoki imkoniyat 
bo’lmaydi. Qo’shimcha ravishda, muammo faqat bir tomonning farzand, ona, 
ota, muayyan bitta shaxsning o’zida ikkinchi tomonga nisbatan noadekvat 
munosabat mavjud bo’lishi mumkin. Shunday vaziyatlarda faqat bitta tomon 
bilan ham mazkur mashg’ulotni o’tkazish mumkin. Bunda (guruhiy tarzda ham 
o’tkazish mumkin, qachonki guruhdan ijobiy-yaqin va o’zari tushunish-qabul 

---

229 
qilish ko’nikmalari hamda munosabatlari shakllantirilgan trening jamoasi 
vujudga kelgan bo’lsa). 
 
Psixogimnastik treninglar. 
 
“Bosh xarflar gimastikasi” 
 
Maqsad:
ishtirokchilarni faollashtirish. 
Jarayon: 
barcha ishtirokchilardan bir biridan 1 metr masofada erkin turib 
olish so’raladi, so’ngra o’z ismlarini bosh harfini birinchi o’ng qo’li bilan 
havoda katta qilib chizish so’raladi. Chizishda iloji boricha vertikal va 
gorizontal eng uzoq nuqtalargacha cho’zilib harfni havoda yozishga harakat 
qilish so’raladi. Harakat birinchi o’ng qo’lda bajarilgach, huddi shu harakat 
(ya’ni ismining bosh harfini havoda katta qilib chizish) chap qo’lda, so’ngra ikki 
qo’lda bajarilishi kerak bo’ladi. Ushbu mashg’ulot, asosan, ishtirokchining qon 
aylanish va suyak to’qima tizimini faollashtirishga, buning natijasida esa uning 
aqliy ishlash qobiliyati hamda diqqat ko’lamini ortishiga zamin yaratadi. 
“Tug’ilgan kun” 
 
Maqsad:
ishtirokchilarni o’zaro yaqinlashtirish, tana harakati orqali fikrni 
bayon qilishni o’rganish. 
Jarayon:
ishtirokchilardan umuman gapirmasdan, lab-yuz mimikalaridan 
foydalanmay tana harakatlari orqali bir birining qaysi sanada tug’ilganligini 
bilib olish hamda bir qator bo’lib yil oylari (yanvar, fevral, mart…) ketma-
ketligida saflanish so’raladi. Hamma turib olgach, sanalar ketma-ketligi to’g’ri 
ekanligini tekshirish uchun trener yanvar oyida tug’ilgan ishtirokchini aniqlaydi 
va undan keyingi turganlar navbati bilan o’zi tug’ilgan sanani aytishi lozim 
sanalar esa o’z o’rnida ketma-ket tarzda bo’lishi kerak.